Moveta yombutiro mu nezeva ndi tja: ‘omundu auhe ngu ma kumininwa mokutja u notjiṋa tja tjitji u nousemba wokuzirira konguminino yoharive ndjo ndja hungamisiwa na ye.’

Tjingetjo wina omukuminwa ngo u nousemba wombanguriro ndji hi nongarera poo ndji mai ṱaṱere komunda woharive nokumuṋiṋikiza na vyarwe ovingi, wina u nousemba wokutjiwa komurungu woruveze kutja tjii hapo eye tji ma sokuya komurungu kutja otjombanguriro poo omahaameno kangamwa wokomurungu yotjombanguriro nge notjiṋa nokukonḓonona omaheya ohunga na ye, ma sokutjivisiwa komurungu oruveze kutja eye ma yenene okutjiwa kutja tjii hapo omaheya poo onguminino ndja hungama na ye ya sana pi poo mai tja vi nu wina kutja oyo ya hungamisiwa i uṋe na ye. Ondjivisiro ndji ohepero okukavasisiwa kuye momatjangwa. 

Inga omazeva ongondoroka novyombanguriro vyosaneno kangamwa okuza ku imbi vyomangestrata ngandu ku imbi vyombazu na wina ovyombanguriro vyapeke tjimuna vyokutara komaturiro mehi rakangamwa ovyo mbi haamisiwa i yOtjirata Tjehi Rakangamwa. 

Posi ya ngunda ape nomirari mbya sere okukongorerwa kape nongahukiro kutja ovyombanguriro, tjinene imbi vyombazu notja tji mavi tjama nozondjakaha zomaturiro mehi rakangamwa vi kongorera omirari imbi. 

Otjomutjange ingwi otja hozere ko kutja pe novanarupa mondjakaha yomaturiro mehi rakangamwa poo mba tura pu vatura mehi rakangamwa romundu karive ngo motjirongo tje omuini ngwa turisa karive ingo posi ya karive ingo ngu hi ya tjiukwa komuturisiwa ngamba yarire kombanda yombura nge hi ya tjiwa kutja ouṋe ngu na ouzeu nomaturirisiro we. 

Pendje na nao eye nḓe muna ozongoze uriri kutja ma yenene okukakara kutja nambano ombanguriro poo ongonḓoneno pOmimbonde Vitano mOmaueuozonjanda uriri nokuhina kutjivisiwa kutja ondjemeno ndja hitisiwa ohunga nomaturiro we pa turisiwa i yomuini wotjirongo i tja vi poo ya etwa i uṋe. 

Tji tja inganisa epura rokutja tjii hapo inga oomaunguriro hapo poo ndji mai munika ayo omayepero mondjira yomazeva wombanguriro komundu ingwi umwe uriri. 

Wina porumwe ku kuri okuparwisa uriri ku ku he ri omapengero womazeva owina.