Auleria Wakudumo
Ongwediva- Okakomisi komaudano moNamibia melongelokumwe noNamibia Wrestling Federation ova eta ehongo loudano wa pumba monooli, oudano wowrestling.
Hamushangadjai wokakomisi komaudano Anke Erasmus okwa holola kutya okakomisi okali ka endela unenenene edjaleko lomapapa ovatoolinghundana vomaudano moikondo ya yooloka ndele tava tokola opo yoo vat wale ehongo moshiwana kombinga yowrestling.
Devin Benhard, omudeuli woAfterschool Center Wrestling Club oye ali e kwetele ehongo eli komesho. Okwa ti osha fimana opo oshiwana shi kale shina owino momaudano aeshe keembinga adishe doshilongo.
Ohandi ka yandja omadewo kovadeuli veecluba da yooloka opo va dule okutwala ehongo moshiwana shavo. Ohandi ka yandja yoo omadewo kovadani ovo veli po opo va kale va pyokoka moudano ou.
Ehongo lowrestling olali mofikola yopaumwene yedina OShana Gymnasium Olomakaya.
Lukas Salom, omudani a pyokoka mowrestling, oo eya noNamibia Wretling Federation okwa ti oudano wowrestling ouwa nohau kaleke ovanhu vena omalutu a pama nawa.
Salom okwa ulikila ovadeulwa nghene ovanhu hava hovele okulikwata meenyala fiyo osheshi omunhu ta tulwa pedu kumukwao.
Elalakano okuulikila ovanhu nghene vena okudana owrestling. Ohandi indile oshiwana konooli opo shi kufe ombinga mokudeula ovadani voudano wa tya ngaha.
Tangi Immanuel, oye umwe womwaavo vali va fika mOngwediva okuondola omesho nokulikolamosha nghee oudano wowrestling hau danwa.
Okwa ti mokuputuka kwaye, okwa dja ehole okutala ovadani vowrestling ngaashi Johncena, Triple H, CM Punk, The Rock, Big Show navakwao.
“Nonande have tu lombwele tuha hetekele owrestling koradio yomudidimbe, onda kala handi li deula naluhapu onda kala nokulipula kutya omolwashike ihatu ningi owrestling unene koshitopolwa shetu shokonooli,” Immanuel ta ti.
Immanuel okwa holola kutya okwa kala alushe a hala okuninga omudani wowrestling moNamibia oshoyo kondje yoshilongo. Okwa ti okwa hala okukufa ombinga mowrestlemania ngaashi ovadani vomadina macula oJohncena.