Epango ra Kandjoze nai ndiheri orupa rotjiposa tjOtjitiro Otjindjandja motjombanguriro tjokombanda tja Namibia, reri twa kongotue yatjo.

Okomiti yozombara Oritjvari ya haamene na i tara momapu pekepeke ongondoroka nOtjisuta tjOtjitiro Otjindjandja. Rimwe romapu ndiri otjiposa mOtjombanguriro tjOkombanda. 

Otjombanguriro momayandero wombura ndjazuko mu tja tarere meningira etjoziwa kotjiposa okunanena ohoromende yEhi rOvandoitji kutja rizirire kutjo. Otjo tja hungamisiwa, ovengi, mumuna ohoromendeya Namibja. Ohunga nonduvasaneno Yapamwe, Ojoint Declaration, ousupi OJD. 

Omuningire omutenga o Bernadus Swartbooi, omunane wOlandless Peoples Movement (OLPM) nu wina okanepo kOmbongarero yOtjiwana, nawarwe. Mumuna ovanane vombazu vOvaherero nOvakwena, Ovaningire vee ku seinina ama vevanga okuweza kutjo ohoromende yEhi rOvandoitji. Nawina omauhonapare wombazu wOvaherero nOvambanderu. Tjimuna wa Zeraeua, Maharero, Kambazembi na Hoveka. Owo ayehe ngeri kehi yehika rozombara ra Kandjoze. Ngeri kuta kumwe mongondjero pamwe nepango rOtjisuta tjOtjitiro Otjindjandja. 

Nandarire kokutja omauhonapre inga yeere okuye kuweziwa kuwo oyeni, ehinga ra Kandjoze maritja oro ratia kutja mu kangamwa otjina tji tja tjama nOtjisuta nOtjitiro Otjindjandja mavekayenda pamwe. Tjingetjo nai motjiposa itji tjiva womauhonapre waro mu va weziwa. 

Tjimuna omunyovita kunOvandoitji tjatjere otjiwana ngatjirwe ama tjiru, Otjikandjoze tja tie kutja omburandji matjitu ama tjitu okuutira po kutja OJD ikoke uriri nungwari wina ipakwe nu aiha kapenduka nandarire otjo tjiruru. 

Ombuza ongaka nongahuke ndji maiso okuyenda kohoromende nganduu oyo tji ya isamo ovirukutui mbi munika aye vyasetika ozombako zomatwi wayo airu wina ongaka. Kutja OJD kaina otjina nOtjisuta nOtjitiro Otjindjandja.

Mowatjiri oyo airi ombatero pokati kohoromende ya Namibia nongwao yEhi rOvandoitji. Nu tji ma iya kovandu ayesere okurira oukahuke nao nokuhina etuku yokutja Otjisuta tjOtjitiro Otjindjandja. 

Ndjiri ondjivisiro ohoromende nai ndjai inganisa motjiwana, tjinene iho tjozondekurona nawina ouparanga nouhandjauke mehi arihe. 

Nganduu moviwana imbi tjinene mbya tunwa iyOtjitiro Otjindjandja tji mwakunwa no ku handjauka ongurunguse yokutja tjii hapo ngavi kambure Otjisuta poo indee.

Ondjivisiro ya Kandjoze ongahu kutja otjo katjina orupe no JD nu nao tjingetjo wina ozondekurona ndena ongamburiro ya katjotjiri mOtjitiro Otjindjandja nOtjisuta tji tje tji pwire kavesere okunuka mOJD nangamwa tji tja ma nayo.