Jazema Hangero 

Ovanene mave sokuuta okuhaama ku novanatje pozonganda okuveronga kutja omitanda vyute okurihonga okupuratena komaronga wovanene wokuvirongerisa nokuvikengezisa komatokerero wakandino ndi. 

Tjinga okuhina onḓikameno komitanda nomarongerisiro omawa aku ve pandjarisa. Vevangee Tjiueza omiṱiri yomaraka, Otjiherero nOtjiingirisa, ma tja. Wa tjere nao pombongarero yokupata ombura yotjikutu tja Tjiueza, mOkatututra momuvanda imbwi Okamberipa. 

Tjiueza ma ningire ovanene okukara ketambo rovanatje vawo nokukondja okuveronger isa momuinyo; okurira ovapaturuke ku novanatje vawo kokutja ovo ve rire ovapaturuke okuhaṋasana ngamwa omatokero poo ouzeu mbu ve na vo ku novanene vawo. Me riyarikaṋa kovanene okuyandja omasa kovanatje nokuvepa omasa mozonḓero nḓu ve vanga okuyenenisa. Noondarire kutja omaṱunḓu ya pizuka nu kave ungura kumwe ma munu kutja okuhaamisa ovanatje pondondo yotjikutu nokuṋanga ovanane moviṱo pekepeke. Ozombara okuhungirira ovanatje maku vatere okuhenununa omitanda mbi pita mondjira nu aku ve tumburire mondjira ndji ri yo kokutja omitanda avi ha piti momuhunga, Tjiueza ma tja. 

Omunane wotjiwondo Tjozombanḓe, Uzuva Hevita, ma ningire ozonḓiṱona okutenga nokupuratena kovanene nu me riheke kokutja ve rikute koviwondo, ve pame mokunyanda oukura tjinga au honga ongaro yomeritjindiro mokati kovanatje ovazandu okuza koviwondo vyokehi.