Ozongombe azehe kumwe o-30 mu 31 nḓa vakerwe mozosarama mbari mozondendera za Utjo za kavazerwe posararama yarwe oraranganda na inḓa pu za vakerwe azarire ozombyatwa nonyama.

Ovarumendu vane mbu mave kumininwa mourunga wozongombe ozengi nḓu va zepere mozondendera za Outjo va paterwe okurisuta okungunda amave kaundjira otjiposa tjawo pendje indi tji ve yere otjikando otjitenga motjombanguririo tja Utjo Omandaha.

Kilian Masele wozombura o-47, Matheus Kataeko (34); Vevangapi Kambapa (30) na Titus Negongo (41) va kamburirue Oroviungura nda zuko mOutjo na Tjiuarongo ohunga nourunga wozongombe o-31, komazuvira zozosarama Obergvlei nOmountbauten nḓa zengire Oritjaine nda zuko. Azehe kumwe zonḓengu yOzondora za Namibia omayovi o-372,000. Kambamba erike ongwa itaverere ondjo. Aveine va tjere mave riyeura poo okuruisa otjiposa tjawo oveni nokuhina ozohahende. 

Otja korapota yozongatukiro zoveta omayuva womasuviro ngazuko okuza komuhungirirepo woporise ya Namibia, Okomusara yOkehi Kauna Shikwambi, omahaka wourunga inga ya tjitirwe pokati komayuva tji ya ri o-25 ku Seninarindi na yetatu ku Kozonjanga. Owo tji va hingire ozongombe inḓa okuza mozosarara azeembari inḓa ave ze hingire kosarama oraranganda mu va kazeperere inḓa o-30. Ngunda indjo yarwe imwe ava vaserwe nomuinyo aya kondwa okurama kutja ai ha tupuka. Owo va ungurire ozombyatua pozonyama zazo. 

Okasaru ku make hakerwa kutja okukari motjiungura hi ka kamburirwe. 

Ovahakerwa mourunga va kazerwe i yovaungure vosarama ku va hingirire ozongombe amave zepa ozongombe inḓa namave ungura po ozombyatwa ponyama yazo. Tji va zuu ozonywa ave se ongange. Tjandje ovinamuinyo imbi va kondo outenda komatwi kutja avi ha hakahana okuzemburukwa kutja ovyauṋe.