EENHANA – Ewalanda lokoshipangelo shEenhana paife oli na omuvalu uli nawa wovakainhu, oku yeleka nashi hali kala shito li yadi neenghono, noli li monghalo inai nyika oundjolowele.
Paife mewalanda omo omu na ashike ovakainhu 52.
Omunambelewa ta longele kewalanda laEenhana Martha Hailulu okwa koleka ta ti ovakainhu kave hadi mo va li meenduda.
Moule weedula nhee dapita okwa didilikwa ewalanda ha li kala liyadi ovakainhu ve li humbata.
Ovakainhu vamwe okwa li hava nangala pedu molwashi eembete ihadi kala da wana.
Ewalanda onhele yomuhandjo omo ha mu kala ovakainhu ve li momatelelo opo va kale popepi noshipangelo ngeenge veli popepi nokupumuna.
Ewalanda laEngela nOnandjokwe oko ashike ku yadi unene. Ovakainhu ohava nangala pedu molwashi ka pena eembete da wana. Pefimbo Kundana a talela ewalanda ovakainhu ova hokolola tava ti paife ohava longo noupu shaashi ove li va shona welanda.
“Paife ohatu wa paleke eenduda detu noupu molwashi ka tu vahapu. Oumbudi nayo owa shuna pedu,” Lonia Haukongo a dja kEpembe ta ti.
Haukongo okwa hokolola ta ti onghalo yokewalanda oiwa shaashi oku na eameno shaashi oha pa longele omukeleli womaliko komuvelo. Martha Natangwe a dile komukunda Onamanhoko okwa ti okwa pandula muni waEenhana eshi eta po ewalanda molwashi oha li va kwafele.
“Ohatu futu ashike eeN$22-00 koshivike. Ohatu longifa olusheno nomeva pehe na oupyakadi,” ta ti.
-fhamalwa@nepc.com.na