Omupresidente Netumbo Nandi-Ndaitwah okwa halele oma yambeko nuukolele omupresidente omutiyali gwaNamibia Hifikepunye Pohamba ngoka a gwanitha oomvula 90. 

Pohamba oha valwa momasiku 18 Aguste. 

Momushangwa gwe okwa ti omupresidente Nandi- Ndaitwah kwa ti Pohamba okwa dhana onkandangala onene mekondjelomanguluko lyoshilongo, ndyoka sigo onena tali gandja ethano ewanawa moshigwana. 

“Pohambasigoonenaotatyapula uuwanawa wonkalamwenyo ye, naashoka a longele oshilongo shika omanga kwa li ta lele poompito dha yooloka, otashi tyapulwa wo natango nokugandja wo omukumo koshigwana,” ta popi ngaaka. 

Nandi-Ndaitwah okwa ti opamwe nAanamibia ayehe ota halele omupresidente kwa li opo a tsikile okukala nomwenyo omule ye a vule okutsikila okugandja omayele moshigwana ngaashi he shi ningi. 

Omasiku omashona ga piti po sho oshifokundaneki shika sha li sha talelepo omupresidente omukulu pegumbo lye kOkanghudi, okwa popi kutya oku na ashike omasiku a gwanithe omimvo 90. 

“Omimvo ndhoka odhindji, otandi pandula,” ta pandula ngaaka. 

Esiku ndyoka okwa li I indile oshigwana shi hulithe po okulonga iilonga iiwinayi. 

Ta kumagidha oshilongo shi kale nombili, shi hulithe po okuhanugula po eliko lyoshilongo, sho shi longe muuyuki. 

“Hulithiipo okutukathana, okweekelahi oohanona nokuningathana nayi, tu kaleni nombili,” ta kumagidha ngaaka. 

-vkaapanda@nepc.com.na