Omulumenhu weedula 37 okwa fya eshi vati a dengwa nodopi komutekulu pefimbo kwa li tava tanguna meumbo.
Oshiningwanima eshi osha ningwa Etine molukanda Omashaka modoolopa yaNdangwa efimbo loufiku lwopotundi 23h00.
Omupopiliko wopolifi moshitukulwa shaShana Inspector Thomas Aiyambo okwa hokolola ta ti ovalumenhu ava okwa li tava tanguna fiyo tashi e ta olwoodi pokati kavo.
Omufekelwa okwa kwatwa po nota holoka momhangu yaNdangwa Omaandaxa eshi ta pangulilwa oshibofa shedipawo.
Oshiningwanima shikwao, omulumenhu weedula 25 okwa ya shwa pa puko komuyandjiilonga waye pefimbo kwa li ta kandabala oku ya sha ombishi meumbo.
Opolifi oya hokolola tai ti omufekelwa weedula 71 okwa li ta ya she mbishi oo a kala ta piyaneke meumbo lavo ashike vati eshi a ka umba oholo imwe ya nukila nakuninga oshihakanwa ndele ta ya shwa monhulo.
Nakuninga oshihakanwa ou e li ongaa omunailonga womeumbo okwa twalwa koshipangelo shaNandjokwe ashike paife okwa lekelwa ko shaashi ka kwa li a mona oshiponga unene.
Onghee omufekelwa ina kwatwa po shaashi ka pena oshibofa sha patululwa.
Okamatyona keedula 17 oka lemana eshi vati ka lyatwa kotuwa pefimbo eshi kwa li ta ka tauluka opate mOshakati Etine efimbo lomutenya.
Nakuninga oshihakanwa okwa twalwa koshipangelo shaShakati noku li paife monghalo i li xwepo.
Oshiningwanima shikwao, omukainhu weedula 28 okwa kwatwa po Etine eshi vati a dipaa okaana kaye konima eshi a pulumuna moWindhoek.
Opolifi oya hokolola tai ti omufekelwa okwa monena okaana momulamba ndele te kafudike.
Omufekelwa ota holoka momhangu Omaandaxa eshi ta pangulilwa oshibofa shedipawo.
– fhamalwa@nepc.com.na