Okaaana keedula 12 vati oka ninga oufimba eshi ka kala nokukwata onghonga lwoikando ya yooloka okudja omudo wa dja ko fiyo oneudo omwedi wa dja ko komushiinda shavo. 

Oshiningwanima eshi osha ningilwa molukanda Okahandja Park moWindhoek. 

Opolifi oya ti omufekelwa oku na omido 48 ashike ina kwatwa po natango shaashi okwa faduka po konima eshi ouyelele wa udika kopolifi. 

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti okaana oke na eteelelo loivike iheyali vati lomufekelwa oo taku fekelwa kutya oye a longela okaana omunyonena wopaixulo. 

Nakuninga oshihakanwa okwa twalwa koshipangelo opo a ka ningilwe omakonakono nokonima oidjemo oye uya tai ulike kutya oku na eteelelo. 

Vati okaana eshi ka ningilwa omapulapuko kopolifi oka hokolola kutya oka kala nokuningilwa omatilifo komufekelwa kutya inaka lombwela omunnhu. 

Ouyelele owe uya kombada eshi ovadali va didilika olutu lokaana la tameka okulunduluka, naashi osha eta opo va kale va ningila okaana omapulapulo. 

Opolifi otai indile moshiwana kwau e na ouyelele kombinga yomufekelwa ou opo oshiwana shi kale sha lopotela opolifi diva. - fhamalwa@nepc.com.na