Omulumenhu weedula 30 okwa kwatwa po eshi vati a vaka po ondongi yamumwaina ndele te i dipaa noku ka landifa okapana.
Oshiningwanima eshi osha ningilwa mofaalama kOutjo Etivali. Ondoongi vati oi li pongushu yoN$2500-00.
Omukulunhu koshikondo shokukonakona oimbuluma moshikutukulwa shaKunene omupedu Commissioner Iiyambo Paavo okwa hokolola ta ti omufekelwa okwa shinga mo ondoongi yamumwaina mofaalama noku ka landifa okapana keendingosho.
Vati mwene wondoongi okwa lombwelwa kovakwashiwana keendingosho kutya mumwaina ota landifa ombelela yandoongi nokudja opo okwa ninga omapekapeko.
Omufekelwa ota holoka momhangu Etitano nota pangulilwa oshibofa shoumbudi woimuna.
Opolifi oya kumaida oshiwana opo shi kale tashi tonatele oimuna yasho shaashi okwa didilikwa oumbudi woimuna wa londa moKunene.
Oshivike sha dja ko, ovalumenhu vavali navo ova kwatwa po eshi vati va vaka oshikombo shamushiinda ndele ta va ka landifa okapana.
Oshiningwanima shikwao, opolifi otai indile moshiwana kwaau e na ouyelele kombinga yomufekelwa ta kongwa ou vati a vaka ominino keepomba mofaalama i li mOutjo.
fhamalwa@nepc.com.na