Omulumenhu weedula 28 okwa tambulilwa moshipangelo eshi vati a tetaulwa nomakatana kumumwaina shaashi vati ha tuku omukainhu wamumwaina.
Oshiningwanima eshi osha ningilwa moMaltahole moshitukulwa shaHardap. Omupopiliko wopolifi omoshitukulwa shaHardap Inspector Linea Heita okwa hokolola ta ti nakuninga oshihakanwa vati oha tuku shito omukainhu wamumwaina ngeenge mwene (mumwaina) a ya koilonga. Naashi vati osha eta opo omukainhu oo a lopotele omulumenhu waye nokonima okwa ka tetaula mukwao nomakatana.
Omufekelwa ina kwatwa po natango onghee omakonakono opolifi otaa twikile.
Oshiningwanima shikwao, omukeleli womaliko weedula 23 okwa tambulilwa moshipangelo shaShakati eshi vati e liyasha mwene papuko nondjebo yoilonga.
Oshiningwanima osha ningwa mOngwediva Etitatu pefimbo omulumenhu a li moilonga.
Omupopiliko wopolifi moshitukulwa shaShana Inspector Thomas Aiyambo okwa hokolola ta ti omukeleli womaliko okwa pewa ondjebo komunailonga mukwao oo kwa li ta dimbuka moshikofa yomutenya.
Okudja opo vati nakuninga oshihakanwa ina tala ngeenge kondjebo oku na oshikuti. Va i okwa denga po oshitako shayo ndele taku nhuka oholo ndele tai mu yashe mepepe.
fhamalwa@nepc.com.na