• October 17th, 2019

Ame kwareterange monzugo zopampo -Geingob


Edward Mumbuu jnr

Windhoek - Presidente Hage Geingob kakandwirepo nombudi dokutanta asi age kuna hara kutulisapo elikwamo lyokuwapukurura yimbashu, omu vana kumurundira asi kapi tayihoroka odo nombudi tupu dokuhamena komahoroworo. Nokutanta asi nage kwamuhampurukira mombashu ntani dogoro ngesi kuna kara nekoro lyendi vana tungu mevango lyangoso. Yipo nye asi nage gadiva asi eparu ngapi lyakara kovantu vatunga momavango gangesi yipo asi yina pumbwa kuyiwapukurura. Geingob kahuyungire nonkango edi paapa kazegwilire sigongi sokuhova sokabinete kemunzugo lyapangero nkera. “Meho musinke tuna kara nago gokutanta asi ose kuna kumona nombashu ntaantani tupu”? Geingob kalimbwilire konombudi kadibubukire monosayitunga nokumugazarera asi age kapi gadivako Yuma yokuhamena konombashu. Age makura yiyo katente asi age kwamuhampurukira mombashu, ame kapisi ngwendi nyone vamwe vahampurukira mosipangero. Ame yimo vahampurukirange mwina. Ntani yiko ana zi kevango lina. 

Ame yiko anizi, kapureni nampili vasikiliti vange. Konyima tupu zongereka, ame kugusako yikoverero yokongereka makura tanizi nikavatarerepo nani mulikida mafano gange omu anizi nikavadingure. Kapisi hepero kutanterange yokuhamena yimbashu. Ame kwakulira mombashu ntani apa nakakere koAmerika simpe mombashu nakakere. Eparu lyomombashu nalidiva, yimo ana kutanta. Age kuna kara tupu asi vantu vetu kuna kuhepa unene morwa mukaro ogu vana kara nago gomararo. Ose kuna kuhuyunga ngesi nombashu, nye simpe tuna kara nonombuyungiso edi asi ehagekeso popasupi, kukutengwidiramo ntani kukuhagekesa hena makura (kuna hara kutanta asi ) nihingire tupu nitare ndi nininke nye asi haleluja? Age kapulire kuhamena nomutangu edi kadi kare sinkwa ntani mositata saVenduka. Ministera ogu gwanare gononkesefa katente asi vaNamibia kwahara kudukira kwange asi nahepa kuvatera ano apa nye nani turapo nonkambadaro dokuvatera yiwo hena wokuhova kukandurapo oyo nagazara nani ngapi twakara? Geingob kakere talimburura unene kwayi vana kulikwetja ngesi asi age kageve ntumwaraka asi vantu ava vahagekesa mukurona gositata pamberewa ntani mukurona govaporosi wositata vahepa kuvatengwidiramo moyirugana yawo. 

Awo kuna kara Robert Kahimise ntani Abraham Kanime. Age katente asi mokukwama mwndi nsene vatengwidiramo vantu ava kuvhura sitata sikare mekeverero lyewa. Egano eli kuna kugwanekere nomakuye gomanene unene kwava valironga novanapolitika vamwe, omu vana kutanta asi Geingob kapi gakara nononkondo dokutantera ndango zodoropa asi ngapi ndi yinke navarugana. Ame kapi kanivatanterere asi vakagusepo ehagekeso. Ame kapi kanitente asi Ame Hage Gottfried Geingob ngesi tani katengwidiramo vantu ava. Ame kapi kanitente asi Kahimise naKanime ngesi muna tengwiremo nye moyirugana yeni. Ame kanitente asi udano ngesi una puko zendeni mokavatengwidiremo. Mosiruwo nye oso kakere tahuyunga Geingob kadiworokesere vakwawo zendi asi ngapi omu lyakara epangero, womokomitiye zekuzeruka ntani vatulisipo noveta ntani vapanguli. Geingob mvhura zeezi katente asi age kuna hara asi monomvhura ntano edi komeho vahepa kuwapukurura maparu govantu vana tungu monombashu wokusika ko 900 000, yipo asi vaNamibia ava vahepa kutunda moudigu 
wangesi. 
 


New Era Reporter
2019-02-07 10:17:06 8 months ago

Be the first to post a comment...