• July 17th, 2019
Login / Register

E li muudhigu wu vule oonkondo dhe



■  Victoria Kaapanda

OSHAKATI-Yina yaFrans Simaneka (4) ngoka e na uulema a kugu onkugo yekwatho ta ti iiyemo yokomwedhi mbyoka ha mono a kwathele Simaneka inayi gwana oshoka ye iha longo.


Lydia Iilonga (35), a yambukile mOshakati molukanda Evululuko moonkundathana naKundana okwa popi ta ti omonamati iha vulu okweenda, iha popi, oha kala ashike a lala, ka vula okupenduka, ye oha li ashike iikulya mbyoka iipu ngashi uutete nomahini mbyoka hayi pula oshimaliwa kehe esiku oku yi landa.


N$250 Ndjoka ha kwathelwa nayo kEpangelo okwa ti inayi gwana okugwanithilapo Frans omawupyakadhi agehe ga taalela onkalamwenyo ye, nonando thimbo limwe omadhiladhilo ohage mu thigipo nokwiipula kutya oshike e na okumona iihuna kuunkundi wu na Frans.


Ta gwedha po ta ti Frans oku li mompumbwe yoshimaliwa noonkondo oshoka kehe shimwe opo  e  mu yambidhidhe otashi pula oshimaliwa, mwa kwatelwa omizalo oshowo oothewa nosho tuu. 


Iilonga okwa gwedha po ta ti ye okwa itaala kutya omonamati gwe hasho nando a valwa nuupyakadhi mboka ashike okuwete kutya owa etwa kaapangi sho ya li taye mu monitha Frans.


“Sho kwa li tandi mono omonamati gwandje, aapangi oya lombwele ndje kutya okanona okanyengana okuza mo mungame kukokeyene noya li ye ka hilimo nomatenda ngoka ndi wete kutya ogo ge mu yono, nonando nda kala noku ya lilila yatandendje oshoka okwa li ndi wete kutya ite vulu oku mona kungame mwene oshoka Frans okwa li omunene noonkondo”. Iilonga ta ti ngaka.


Ilonga. Yina yuunona uyali, Frans nomonakadhona gwonkelo gwomimvo ndatu okwa ti oku li monkalo ye mu dhigupalela noonkondo, oshoka iiyemo mbyoka ha mono okukwathela frans inayi gwana nando.
 Frans oha zala ominambo, oha pumbwa omahini nokatete oshowo iimaliwa yokoshipangelo hoka iha puko omolwa onkalo ndjoka e li, ndjoka  a kala nokulombwelwa koondohotola kutya ke na siku a kalepo hwepo osho wala ta kala ngaaka sigo aluhe.


Ta indile ekwatho kukehe ngoka ta vulu oku mu yambidhidha nokashona hoka ena po, oshoka nomegumbo moka e li ngashiingeyi moka a li a kwathelwa a kale hazi, oku li mo ashike sigo okehulilo lyomwedhi nguka, nomwedhi tagu ya keshi mpoka ta yi, ye ita vulu okuya kokule noshipangelo omolwonkalo yaFrans noshimaliwa shoku ka hiila ke shi na.
Kundana sho a li a pula Iilonga kutya oshike iha kambadhala nokulanditha nando okapana nenge shimwe shilwe opo a vule oku iyambidhidha, okwali a yamukula kutya ita vulu oshoka ke na ngoka ta thigile Frans ngoka a pumbwa ekwatho kehe ethimbo.


Ilonga ta ti he yuunona mboka ngoka e li Moshakati iha yambidhidha uunona we nando onomboloto naFrans okwe mu ihula omanga e na omvula yimwe omanga ngoka gwonkelo inemumona nokoshipala, nonamando oku uvite onkalo yaFrans kutya oya pumbwa omawatelelo okuza kaakuluntu ye ayehe.


“Ondi li muupyakadhi uunene, otandi indile kehe ngoka ta vulu okukwathela ndje nakehe shoka ta vulu kasha shi ashike iimaliwa ndi yambidhidhe Frans nenge epangelo lyi kwathele ndje natango nonando ohali shi ningi nale”. Iilonga ta yelitha.


Staff Reporter
2018-12-21 08:12:53 6 months ago

Be the first to post a comment...