Okamatyona komimvo 19 hoka taka tamekelwa ekwato koonkondo lyomukulupe gwomimvo 67 oka tindilwa eyi futilemo.
Omupeha kuluntu moshitopolwa shaShikoto Petrus Shigwedha okwa ti, omumati ngoka sho a holoka mompangulilo yaNdangwa kuyele oshiwike shika okwa tindilwa omboloha omolwa uunene woshipotha shoka.
Oompangu odha undulilwa momasiku 21 Januali omvo tagu ya.
Shigwedha okwa ti, omulumentu ngoka omunasikola eli mondondo 10, posikola yimwe moshitopolwa shaShikoto.
Otaku hokolwa kutya omulongwa ngoka okwali a ponokele omukulupe ngoka ethimbo kwali tazi koondingosho, uusiku wOlyomakaya.
Ta ti, omulumentu ngoka okwali natango a yugu omukulupe ngoka ongodhi yo peke yongushu N$300.
Ta gwedha po ta ti, okwali anuwa natango a ningile omukulepe omatilitho kutya otemu dhipaga.
Moshiningwanima shafaathana, omulumentu gwomimvo 39 okwa manangwa po kopolisi moshitopolwa shaMusati sho ta tamenekelwa ekwato koonkondo lyokanona komimvo omugoyi. Sha ikolelela kepeko lyopolisi, okanona hoka okali ka kwatwa koonkondo ethimbo taka zi kosikola. Otaku hokololwa kutya omulumentu ngoka okwali a heke okanona hoka, eta kalanako sigo uusiku mehala lye.
Opolisi oya ti, okanona okali ka dhimbululwa kaakuluntu yako sho kwali itaaka vulu oku enda nawa, shoka shali sheya tula momalimbililo
Otaku hokololwa kutya okanona okali ka eta uuyelele awihe mboka ko nima kali ka ningilwa omapulapulo kaakuluntu yako.