Ominista yoikwameni, etonatelo lokeengamba neameno Dr Albert Kawana okwa talela po oitaashi yopolifi koitukulwa yokonooli Omaandaxa.

 Kawana okwa talela po oitaashi yopolifi neembelewa dakula dopashitukulwa dopolifi moitukulwa ngaashi Omusati, Oshana nOhangwena.

Minista okwa hokolola ta ti elalakano letalele po laye okudidilika omashonga a taalelwa koitaashi yopolifi yokonooli.

Kawana okwa ti eshi osho oshikando shotete ta talele po oitaashi yopolifi moitukulwa yokowambo okundja eshi a ninga oministe koministeli ei yeameno, onghee okwa hala oministeli yaye opo ikale yadidilika omashongo eli ataalelwa koitaashi yopolifi, nonghee ena oku kandulwa po.

“Onda hala vali okukwashipaleka kutya onda dadilika omayakulo ameshe a pumbiwa kovapolifi nokutala yoo vali oilonga iwa ei yalongwa koministeli ei,” Kawana ta ti.

Osheendo eshi okwal li shina omukulunhu wopolifi Inspector General Sebastian Ndeitunga, omukulunhuwiliki wounisteli woikwameni nokeengamba neameno Etienne Maritz opo va topolafana omayele nghene oitaashi yopolifi ina oku pewa omayakulo a wana.

“Kawana okwa ti okwa pandula opolifi eshi hai longo nelitulemo nondjungu opo ikwashipaleke kutya oshiwana oshili meameno la wana.

Okwa ti oministeli yaye otai kala longa nelitulemo opo ikwashipaleke kutya oitaashi yopolifi oya pewa omatungo opashinanena noilongifo ya wana ei ya pumbiwa kovapolifi opo va shiive okulonga noupu.

Minista popya yoo vali kombinga yodolongo yaEenhana ei tai tungwa mopaife ngaha opo ikale ina onhele ya wana okuya ovanadolongo shaashi okwa didilikwa odolongo yaEenhana ihadi ovanadolongo neenghono.

Kawana okwa twa ovapolifi omukumo opo va longe nondjungu nelitulemo shaashi ova pewa oshilonga shafimana shokutula po elandulafano noku amena oshiwana.