Mubihi wa Mutende

BUKALO – Sikolo Sesipahami sa Sanjo kwa Bukalo mwasikiliti sa Zambezi siitekezi kueza koleko yamasheleñi, kamukopano wakutaha hamoho mwakweli ya Sikulu, mi masheleñi awo akasebeliswa mwa kulundulula makilasi ase abonahala kusupala kwasikolo sesi bonahala kuli hasina hande lika. Sikolo sa Sanjo sesi wela mwakalulo ya Bukalo hala mutayi watuto mwa Zambezi, niha sibonahala kusheba, mwalilimo zakwamulaho nekukeni babañwi babase babeleka mwamuuso, baetapili, ni bantu babañwi balipisinisi babatumile hahulu. Kikalibaka leo katuso yakatengo kasikolo “basweli kuongaonga kutaha hamoho kubao nebali baituti fasikolo kuli kebe nimulalelo omutuna. Okabela kwa sikolo sa Sanjo la 26 Sikulu 2019,” nekubulezi yomuhulu wasikolo B.M Mbangu-Silumbu.

Tupampili twa muñwi ni muñwi twakukenisa kwamulalelo tukaleka N$500, haneli twabale babatompeha tukaleka N$1000, haneli twakuleka kalikwata ikaba N$6000 fatafule yabatu basilezi, nekubulezi yomuhulu wasikolo. Yanali likwambuyu wamakete Richard Kamwi, ili yena mushemi wasikolo, ukasindeketwa kimusali walipisinisi Martha Namundjebo-Tilahum, mi ndumeleti wanaha South Africa William Whitehead ni wanaha Botswana Tshendo Modise nibona bakayo bateñi. Baituti bane bakena fateñi bakona kuutwa litaba kabutungi kakulizeza Humphrey Sikwanga fanombolo 0813714415 kapa Leonard Masiye fanombolo 0816179357.