• August 6th, 2020

Lifolofolo lisinya limela mwa Zambezi


Marythar Shimwe

KATIMA MULILO – Kasamulaho akutalimana ni linanga, hamoho cwalo niku amuhela litabula, balimi mwasikiliti sa Zambezi babilaela sinyeho yalimela zabona bakeñisa muunda. Babilaezwa hape ki sinyeho yetiswa ki lifolofolo zamwanaheñi. Kuzwa mwakweli ya Sope kubile ni lipiho hala lisinyehelo kwalimela zetisizwe ki lifolofolo zecwale ka linali, litou ni likubu ili zefula mwamasimu. Kamukwa ocwalo Bornwell Kachana Sinvula kuzwelela kwa munzi wa Muyako nakile akunupa nali yamusali yene ili hala mutapi one usinyize simu yahae. “Lifolofolo neli sinyize lihekele liketalizoho mone nicezi mbonyi, mi taba neilo bihiwa kwasibaka sapabalelo yalifolofolo sa Salambala. Liluko la Silalanda, Mishitu ni Bupoti neli zibisizwe mi nebatilo shimba nama ya nali. Neba nizibisize kuli kiya muuso mi nika lifiwa hala sinyehelo yene bile teñi mwasimu yaka,” nabulezi. Sibuabui wa liluko la silalanda Romeo Muyunda nakile atalusa kuli kutisa cwale seba amuhezi lipiho zelishumi kazesupile kuzwelela kwalibaka zecwale ka Machita, Lusu, Masokotwani, Kanono, Makanga, hamoho cwalo ni Muyako mabapa ni lisa la Lyambezi.
Lifolofolo zetisanga butata kamita ki linali ni litou. Nabulezi hape kuli katengo kaka bona zalikomano zalifolofolo ni batu, hakalifi lisinyehelo kono kaimulula feela hainyani hala lisishehelo zetiswa ki lifolofolo, mi kanako yeswana kaluta balimi kuli bakona kuisileleza cwañi. Muuso uitwesa cokwe yakutusa sicaba sesi sinyezwa kilifolofolo, kono habalifi tifo yasinyehelo yetezi. Kono nabulezi hape kuli baba fumaneha kwalibaka zesika silelelizwe baka lifiwa kimuuso, mi babafumaneha mwalibaka zesilelelizwe bakalifiwa ki liofesi zalibaka zeo. Tifo hala sinyehelo yalimela imwahala N$250 ni N$1000 hala hekele.


Staff Reporter
2020-04-06 11:34:27 | 4 months ago

Be the first to post a comment...

You might also like...