New Era Newspaper

New Era Epaper
Icon Collap
...
Home / Liluko la makete likatahisa misebezi ye 4 600

Liluko la makete likatahisa misebezi ye 4 600

2019-09-09  Nuusita Ashipala

Liluko la makete likatahisa misebezi ye 4 600

ONGWEDIVA - Liluko la Makete ni Pabalelo ya Sicaba likupile kuli litahise misebezi yelikana 4 612 ili kuli nombolo yababeleki bamakete iekezwe, sina hakuzibahala kuli liluko lina nibabeleki babalikani. “Mutayi wa Pelekelo ya Sicaba mwaofesi ya Ngambela wa naha usweli kusebeza katata kaswalisano ni liluko la makete, kubona kuli misebezi yabutokwa ye yatahiswa mwanako yekuswani,” likwambuyu wa makete ni pabalelo ya sicaba Kalumbi Shangula nabulezi mwasitatimende. Sitatimende sa Shangula sialabela kwakucaula kwabaoki bamianda yemilalu babasina misebezi ,bane baile mwamakululu balaela misebezi kwamuuso. Liñolo lakutahisa misebezi nelitambekilwe kwaofesi ya ngambela mwakweli ya Mbuwana. Shangula nabulezi hape kuli misebezi haikatahiswa, liluko likaya kwaliluko la masheleñi kuyokupa mali. 

Liluko neli hatisize feela misezi ye 78 silimo se, mi misebezi yeñwi ikafumaneha babañwi habakapumula, kapa nako yabona haikafela nikutuhela misebezi kusina kapelezo. Mwanako yacwale baoki babasina misebezi basusuezwa kukanganela misebezi ye 11 yabuoki yehatisizwe mwasikiliti sa Khomas.Hana alabela falipilaelo zakuli hakuna misebezi yabuoki, Shangula naize liluko liziba taba yeo kikafo libata kutahisa misebezi yeo. Naize kanako yacwale nombolo yababeleki bamakete yene tahisizwe silimo sa 2003 hakiyeñata kuli ialabele kwalitokwahalo zasicaba. Hala kupo yakuli liluko liukamele misebezi yakwalipatela zakwamÅukunda, Shangula naize liluko likona feela kususueza lipatela zakwamukunda kutalima baoki babasina misebezi habatokwa babeleki, kono halikoni kuisilinga mwamisebelezo yateñi. Baoki babasina misebezi nebabilaela kuli lipatela zakwamukunda likenisa mazwahule misebezi nikusiya bayahi banaha Namibia.


2019-09-09  Nuusita Ashipala

Tags: Khomas
Share on social media