• August 13th, 2020

Mavango gokuweka yikorama simpe kuna zeguruka kovadinguli


Rundu – Ministeli zonsitwe, wiza ntani vadinguli muhuyungilipo gwaza, Romeo Muyunda, katente asi mavango gokuwekera yikorama kuna paturuka ngwendi nare nampili ngomu kuna kara kambumburu koCOVID-19, kayininkisire Presidente Hage Geingob ature etokoro asi varugani navenye vemepangero ntani nombunga dopaumwene dahepa kuruganena pomambo ure womazuva 14, kugusako owo ava gava yirugana yohepero ntani yonondja. Varugani vetu kuna kulikunga nawa; ano varugani nye koyiha yoyikorama nawo vamwe vana tura koruha royirugana yohepero, awo ngesi moyirugana vanakara vatarere nokukunga ava vana kuhara kuyadipaga yikorama yetu pwahana asi paveta. Yimo ana kutanta. “ Yipo nye asi yitodi yina kugazara asi nampo ose kuna sigilire tupu yikorama yetu vahepa kuyidiva eyi, asi mavango getu kuna kugakeverera moomu mwanare. Yipo, asi kuyavaka yimuna yetu noyirugana youkorokotji kapi yina wapa, varugani vetu hawe vana manamo moyirugana yimo simpe ana kurugurura ngoso. Age katente asi varugana woministeli kuna kuruganena momambo nye wokukevera yikorama hawe awo kuna kutarera nokutara asi wolye vana kuyadingura povango aga. Nsene napa wiza marunduruka hawe naturuganako Yuma nye dogoro ngesi ose kuna kurugana; nose ngaturugana moomu vana kurugana komavango nagenye sirongo mudima, nose kuvhura tukara pevero nonsewa zokulikuhwa nsene tohwilire, nose tatu yirugana oyo. 

Ose tuna kara novarugani vana kufaturura asi mulyo musinke mokuruganesa mfewa ozo kovadinguli ntani vahepa kugava uyerere kovadinguli vetu, nye ose kuna kuvahundira asi vahepa kugava pangenderera nsene tavamono gumwe ana kulikida kuhamena kambumburu aka,mcovid-19 yimo ana kugwedako. Mavango simpe kuna zeguruka kovantu ava vana hara kukadingura, nokudimburura asi nampo simpe tuna kara novatundwa yirongo monda zosirongo. Ose kuna kukwama noveta nonongendeseso moomu lina diturapo epangero, kwato vantu kuponga vana pitakana murongo, nanayinye eyi yina kara asi kapi vana yipulisire nose kuna kuyikwama moomu yawapera. 

Nye pwarumwe hawe yirugana moomu tupu mwanare. Namibia kwakara nomavango 20 gokuwekera yikorama kutameka naBwabwata National Park, moKavango zoupumezuva, Etosha National Park momukunda Kunene, Khaudum National Park Kavango zoupumezuva, Mangeti National Park moKavango zoutokero, Mudumu National Park moZambezi kumwe naNkas Rupoara national park mokutumburako tupu 
dimwe. 
– johnmuyamba@nepc.com.na


John Muyamba
2020-04-02 09:51:06 | 4 months ago

Be the first to post a comment...