Mubati wamusebezi watimela kasamulaho atatubo

Mashazi Mahoto

WINDOKO – Mutangana natimezi Labulalu kwasibaka sababeleki bakwatolongo, mwa Divundu kasamulaho watatubo yebukiti ili teñi babati bamusebezi babalikana 9000, nebali famukoloko  mwanaha kaufela hala litulo ze 120 zesina batu zena nikutalelezwa mwamutayi watolongo owela mwa Liluko la Silelezo ni Buiketo.

Litatubo zakuñola, mayemo amubili, nizakubuziwa pata ka pata nelikalile kwaliofesi zakwalitolongo naha kaufela la 16 Muimunene mi nelifelile Labutanu. Mapalelwi ababanca mwa Namibia akubata misebezi ase afitile famayemo abilaeza. Nyandi nazibahalizwe kuba Anthony Makala Fumano walilimo ze 28, mi lubasi lwahae nelu zibisizwe. Sibuabui mwaliluko la silelezo ni buiketo, Sam Shaalulange naize nyandi naomelezi Labubeli hane ali mwasiano yalibima zepeli nilicika.

Naisizwe kwasipatelanyana sefumaneha mwatolongo ili kone ailoba mbubo, kono nasa bilaela kuli na utwa butuku kwamukokoto mi naisizwe kwasipatela sa Nyangana, libima zemwanda kuzwa mwa Divundu, kuli ayotatubwa faliekisileyi, kono sipatela nesisina mutatubi kanako yeo. Mi nakile alukululwa kuli aye kwahae. Kono Labulalu mayemo ahae atotobela mi Fumano naisizwe kwasipatela sa Andara ili teñi ayo shimbululwa kuli aye kwa Rundu. Neli hanali mwanzila kuya kwa Rundu hashwela mwamotikala ya sipatela. Shaalulange naize lipatisiso lizwelapili kubona kana nekuna nimafosisa akamabomu kwababeleki bakwatolongo kwa Divundu. “Kibumai mutangana natimezi,” nabulezi. Kwa Divundu babalika 600 nebañozi tatubo mi palo nekutile fa 300. Mi tatuto yamayemo amubili nekutisize palo fa mwanda ili baba kakena mwatatubo yapata ka pata kuketa balobañwi babakaya kwalituto kwasibaka sakwatolongo sa Lucius Sumbwanyambe Mahoto kwa Omaruru.