• April 7th, 2020

Muinjangue kuna kukarugnena mbunga politika zendi


Ogu kavapere sinkwa ntani sirugana souministeragona woukanguki noukali nawa Utjiua Muinjangue katente asi age takatwikira kuruganena mbunga politika zendi mombongarero zanavenye ano simpe taka ruganesa nonkondo dedi asi munisteragona goukkanguki noukali nawa mokuruganena vaNamibia navenye.”Ame kuna gusa posa ezi ngomuNamibia ogu ana hara kukambekako keparu lyovaNamibia; eyi kapi yina kara asi morwa upolitika wange oku nahamena. 

Eyi kuna tamba kutunga sirongo setu; ame kuna kara asi kwalituramo mokutara asi vaNamibia navenye vavatekure momuwa, ano kwange kuna kulimona asi ezi mpito zongwa vana penge niruganene sirongo nomuhokoyimo ngoso ana kutanta. “ Ano kuhamena Nudo, ame simpe nyame presidente gwaNudo; ame simpe tani karuganena Nudo mombongarero zanavenye. 

Ame kwawiza niyakare ministeragona kutundilira kombunga zaNudo. Vantu kuvhura vahuyunge eyi vana hara nye amen ani kara ngorooro presidente gwaNudo, ogu nakakarerapo vantu wombunga zanudo mombongarero zanavenye. 

Presidente Geingob, kapere Muinjeangue asi ministeragona goukanguki mosondaha. 
Age kwakere momasanseko mvhura zina puko apa vamuhorowere asi Presidente gombunga zendi gomukadi rokuhova moNamibia kukara mukadi ana kupitisira mbunga politika. Mbunga zendi kwagwana mavango gavali mombongarero zanavenye momahoroworo aga gana puko.

 Eyi kayi kere yomutaro kuhamena kwaMuinjangue, ogu kakere asi kagwene PhD momalirongo gendi gokunkurusure za Stellenbosch, mosirongo sina kutanta asi egendeso kukwama mokuruganena mpongasano moNamibia.


Kuzeeko Tjitemisa
2020-03-26 09:18:55 | 12 days ago

Be the first to post a comment...