Ongwediva –mukurupe kadi, ogu ana kara asi kwamuvharera mosirongo saAngola, kageve ruguwo rwendi asi morwa sinke vapira nage kunutjangesa nokumudiworoka asi mutungi ndi muNamibia, morwa age kwakara eparu lyendi nalinye moNamibia ntani vana vendi navenye vaNamibia.
Frondina Mweshilongo gonomvhura 83, ogu gatunga moOkashana Kiingo momukunda horowero gwaOshikoto katanterere vanambudi asi age kwawiza moNamibia mo 1976, atunde moAngola age kwakwere komugara gomuNamibia, ogu gadogoroka mo 2000. Sivike kasipwire, omu sayitunga zaNew Era kazikadingwire evangoi lyendi, Mweshilongo katente asi age kwakara novana ava gagwana kwamugara gwendi ogu gadogoroka, nokugwedako asi vana vawo navenye kwakara nonombapira dosirongo saNamibia.‘’
Ame kuna kuhepa unene morwa kapi nina kugwana yimaliwa eyi avagwana vakurupe yokutunda kepangero. Ame kwakara tupu membo lyange novana vange vavali, ava vakara asi kapi avarugana, ntani vatekuru vange wokusika ko 12,’’ yimo ngoso ana kuhuyunga. age katente asi kapi ana kuyihafera eyi yangesi, apire kugwana yimaliwa eyi avagwana vakurupe vakwawo.
Tara tupu nomvhura 47 nye kapi nina gwana nombapira dosirongo saNamibia dogoro ngesi. Ame nakambadara siruwo nasinye, kuza komberewa zoministeli ava avagava nombapira dosirongo, nye kapi nagwana mbatero dogoro naligava, ndi nahupura.
Mweshilongo katente asi nkenye apa azi komberewa zava avagava nombapira dosirongo moOshikoto, awo kumutantera asi kapi tagwana nombapira edi morwa age kapisi muNamibia, yipo nye asi age kapi twagwana nombapira dosirongo.
Simpe Mweshilongo kagwedereko asi age kuna kuparuka nouvera werondo honde monomvhura edi murongo dina kukapita, makura nkenye apa age kumudigopera unene morwa mukaro ogu ana kuparuka ngesi.
Eyi kapi yina kumoneka nawa. Ame kwakwara mugara gomuNamibia ngwendi vantu navenye, yimo simpe ana kutanta ngoso. Maria Gabriel katente asi zinyawo kuna kuparuka noudigu morwa mukaro ogu ana kara ngesi, age zinyawo kapi ana kurara masiku, ano posiruwo simwe age kuhuyunga gelike.
Ose kwavatwere komurugani gehungo mwenyo. Ntani nose kapi tuna kuyihafera asi zinyetu apire kugwana yiomaliwa eyi avagwana vakurupe navenye.
Apa nye katupulireko nkumbu, ministera gona goministeli zeyi yomonda zosirongo Daniel Kashikola katente asi mberewa zendi nazitarurura udigu ou wangesi pangenderera. Age katente asi Mweshilongo ana pumbwa kugwana nombapira dosirongo, morwa age gakara moNamibia siruwo sosire ntudi koyili yimwe eyi tuna pilire kudiva kuhamena udigu ou. Ame kuna kukaza nikapureko kansela gomukunda nitare nsene asi gadivako Yuma koudigu wangesi. Ntani nani pura foromani gomukunda tutare asi ngapi natuvhura kuvatera moudigu wangesi,’’ yimo ana kutanta Kashikola. –fhamalwa@nepc,com.na