• November 27th, 2020

Neulo ya Zuma ya linanga itisa kulyangana


WINDOKO – Likiliti zeñwi nelisika fumana kwa neulo yakulwanisa linanga yene neuzwi kinaha South Africa mwasilimo sa 2014. Katengo kane kabatisisa nekafumani. Neulo yene taha kwanaha Namibia nezibahalizwe kiyanali mueteleli wanaha South Africa Jacob Zuma, mwa poto yahae ya mazazi amabeli, mwakweli ya Njimwana 2013. Neulo nenyatezwi kimubuso wanaha South Africa mwakweli ya Yenda 2014, kulwanisa butata bwa linanga mwanaha Namibia. Masheleñi alikana bolule ba mwanda na abilwe habeli, licika la teñi neli la kulekisa lico, kwanda lico za limunanu. Masheleñi nana ni kuleka peu ya mbonyi, bupi bwa mbonyi ni manawa.

Masheleñi amañwi alikana bolule ba Ñ$50 neli akuyepa liliba zenca, kono katengo kuzwelela mwandu ya mulao ya bubeli, mwapoto yateñi kuyo fumana lipiho hala kuba teñi kwamezi akena mwalibaka zamatakanyani mwalikiliti za Zambezi, Kavango ya Upa, Kavango ya Wiko, Ohangwena, Omusati, Kunene, Hardap ni //Kharas mwahala 09 kuisa 24 Muinene 2019, neka kile kafumana kuli likiliti zeñwi nelisika fumana kwaneulo yeo, kasamulaho alilimo liketalizoho. Muinasipula wa katengo Sipapela Sipapela yana file piho, napatuluzi kuli purojekiti netalimani ni butata, bobu cwale ka kutokwa kamaiso sakata kakuli bayahi nebazwa mwanaha South Africa, kacwalo buñata bwa tutengo twa sikiliti netusakoni kutalimela ni kuzamaisa mapurojekiti.

Naize liliba zemashumi amalalu kasilisiñwi nelisika feela kale, mwatasa neulo kuzwelela mwanaha South Africa. Sapili neku itekezwi kuli liliba zemwanda kasilisiñwi neli swanela kulundululwa mwalilimo liketalizo. “Muuso wanaha South Africa no neuzi masheleñi akuyepisa liliba mwanaha South Africa, mi likiliti zeñwi neli fumani kwa neulo mwamulelo wakuisa mezi akena kwa sicaba. Liliba zeñwi mwalikiliti zeñwi sihulu mwa Kavango ya Upa nelisika yepiwa.  Likiliti zeñwi nelisika fumana kwa neulo mi likiliti zeo kize cwale ka Omusati ni Oshana,” Sipapela nabulezi.  Katengo neka kupile kuli kusulwe masheleñi amañata kuli kuyo yepwa misima ni kubeya mipila ya mezi. Mi katengo katokwa kuli liliba kaufela mwalibaka za matakanyani lilukiswe, kakuli kusupala kwazona kutisa manyando  ababañata.


Albertina Nakale
2020-11-09 07:40:29 | 18 days ago

Be the first to post a comment...

You might also like...