Ongwediva - Age kapi ana kuliza nonombudi dina kutanta asi ngesefa moOshikango kapi zina kukura, Mukurona godoropa zaHelao Nafidi  Elisaer Nghipangelwa, katente asi udigu ou tuna kara nawo ngesi kuna kara tupu wokugwana marandesero ponze. Nokutanta asi ngesefa modoropa kuna kugenda nakauke omu vana kumona ekuro lyodoropa, omu vana kudika yitora yoyinene novantu womomukunda omu vana kuwiza kodoropa vayarande yivhulise pwanare omu yakere asi vaAngola velike ngava wiza vayarandese. 

Nghipangelwa simpe kuna kuyimona asi vanangesefa womomuknda simpe navawiza vayarandese, yipo nye asi age kapi ana kumona asi doropa ezi zokomurundi nazikakara doropa zahana Yuma. Nongesefa edi dina kara asi kuna pata deedi dakara asi kwapete uye wina twakere noudigu wounene moekonomi. “ Kodili nongesefa dapata modoropa zetu, nye kapisi ntaantani. Nampili asi kodili dimwe kadipete sinkwa ntani nye odo kwakere moudigu wanare kapisi ngesi. Nghipangelwa kageve mbudi ezi kupitira monombudi edi kageve moune wakapita. Nampili ngomu asi doropa kapi zina kara noyiviyauka nkenye, nye doropa kuna kara novantu wovanzi mosikondo vike omu yina kara asi vantu kuna kuwiza wovanzi kodoropa vayarandange.  

Kugusako mavango nye gonongesefa, ndango zodoropa kuna kugava mavango vadikepo mambo. Ndango zodoropa mosikesa sawo kwadika mambo gokusika ko 60 gava nye avagwana yiwizamo yoyisesu. Ano vantu wokulikarera kwadika mambo gokusika ko 100 modoropa ezi. Shack dwellers kwadika mambo gokusika komurongo omu vana kuvandindira vakadike gokusika ko 40 kwedi kooku yipo asi vakulike mokurandesa. Ndango simpe kazigazarere asi varetemo nofabrika nye kuna kumoneka asi kapisi egano lyewa morwa kapi vana kara noyiruganeso. Kugusako nye nongesefa edi dapata, doropa kunakuyimona asi elikwamo lyokulirandesa muntu vakare panyama lina sesupa, eyi yakere asi pwanare kwakere yomutaro modoropa. ‘’ Nsene asi simpe poveli vana kulirandesa vene, ngesi ntudi yina sesupa nye momunene. Pwanare ngatu vamono, nye ngesi kapi tuna kuvamona hena yimo ana kutanta ngoso Nghipangelwa.