Okaana kokamati ke na omwedi umwe va ti oka xulifila modikwa yaina.
Oshiningwanima eshi osha ningwa momukunda Oshikuyu moshitukulwa shaMusati mexuliloshivike.
Nakufya okwa tongolwa oye Pomwene Penehupifo Hamulondo.
Omukulunhu koshikondo shokukonakona oimbuluma mOmusati omupedu Commissioner Moses Simaho okwa hokolola ta ti ina yokaana okwa kala a kuminina okaakaye, nokonima yefimbo eshi eka kufa mo modikwa okwa dimbulula kutya okaana kaye kake na omwenyo, ita ka fuda.
Opolifi oya hokolola tai ti oshidjemo shomakonaakona a ningilwa olutu lokaana okwa uulika kutya okaana oka fya koshuunguungu.
Oshiningwanima shikwao, omulumenhu weedula 31 okwa fya eshi va ti e li mangeleka oshivike shadja ko. Oshingwanima esho osha ningilwa momukunda Eendombe moshitukulwa shaMusati.
Nakufya okwa tongolwa oye Junias Nikodemus omukalimo womomukunda Eendombe.
Opolofi oya hokolola tai ti Nikodemus okwe li tuwa e li meemhango a fya momuti u li mekove lambulavo.
Nikodemus ina fiya po omukanda tau yandje ouyelele kombinga ye fyo laye.
fthamalwa@nepc.com.na