Omaendo waimba mba Þira mo tumbo two hangauti mo Tjozondjii, owo nai ngehino’ ozohako ku ma ye zemburukirwa, itjimwe tjoviøa mbi hepa ombango mo Namibia tjikweya ko ma kuruhungi wo TjiÞiro Otjindjandja tjo Vaherero no Vakwena.
Umwe wo va pyuke mo ngondjore yo TjiÞiro Otjindjandja no Tjisuta no ye omwini wina ondekurona yo Tjitiro Otjindjandja tjo Vambanderu, Ovakwena nOvaherero, Laidlaw Peringanda, matja. Eye wari umwe wo va puratene nu ngwa yandjere ohambwarakaøa erero ko tjihungiriro tjo mo tungovi tje mbo ehongonekwa ndi ma ritja: Okupaha Owiira wo Kuhungama Notukapitaveze Twetu Otwiihamise: Okutara Kovitjitwa Viomazemburukiro Wotjitiro Otjindjandja Mouye. Otjihunguriro ihi tja ya sekirisirwe iyo Onganda ya Ndundumehi yOtjiÞiro Otjindjandja puno rutu rwa Namibia indwi o Onganda yOmihunga Viotjiwana Nongondononeno, o Institute for Public Policy and Research, ousupi o IPPR. Omutumbure wo tjihungiriro itji yari wina omutjange no mu kondonone wo IPPR, Fredrico Links. Ovatwa ndanga mezuko mo tjihungiriro ihi yari Tali Nates, ondekurona yo TjiÞiro Otjindjandja tjo Vajuuta no umwe wo vaute vo Ndanda ya Ndundumehi yo TjiÞiro Otjindjandja ngwa tarere ousupi ko mazemburukiro wo TjiÞiro Otjindjandja no vaungure vevari vo ndanda indji Catherine Boyd na Mduduzi Ntuli.
Peringanda wa raisire nao otje ziriro ke pura ro kutja tjii hapo o Namibia omakuruhungi wo Tjitiro Otjindjandja ri ye zemburukavi. Matja omengi wo maendo wa Tjozondjii kamakoto nu yehepa oku kotovarisiwa tji tja sere okuira otjiungura tjo ngomainde nu ngwari oyo ndjii hatara kutjo. Pendje na nao tjingetjo wina nai kombanda yawo kwauto oku tungwa ozondjuwo kutja harukuru oyo yezenge nu tja tjarira tjimwe OtjiÞiro Otjindjandja kwa tja tjizemburukirwa atjiri mondjira yok u zenga. Munao otjimatja o Namibia maihepa ombatero kozo nganda tjimuna indji ya Ndundumehi.
Tjarwe eye nguri Omuhaamise wOvihavero vio Mbwaneno ya Namibia yOtjitiro Otjindjandja, Namibia Genocide Association, matja wina uno ngondjero puna ovaungure no viungurisiwa vio ruveze rwa kandinondi oku pambaha okutjiwa kutja mapeya ovandu mba inambirahiwa mo zo ndunduvahi za Tjozondjii ingapi tjinga aku hina maa kuzu ovo va suvisiwea ava nambirahiwa uriri tjivaÞa.