• October 21st, 2020

Omapanga omengi peke peke yape Kaseehunde ondjozikiro


Otumborombonga- Omuyaruke Joseph Seadog Kaseehunde Kuhanga wari epanga na kangamwa.
Mombii indji wina ombakero ye otjipari kangamwa omundu. No kuurisa ongarero ye otjepanga ra kangamwa wina mba kayendisire otjioungura tjo ma yandjero wondjozikiro oseinina momuvanda wawo muno, otji vakondjere wina oku hina oku patera otjo ruveze tjaa ruyandjere, kangamwa ngwari no kambo ko ku virikiza epanga re. Tjingetjo otjomundu ngwari epanga ra kangamwa ovimbumba vya hukukirre okuza kotupa peke peke twa Namibia, mu mwari ovo tjikutu tja Kuhanga okuza kEhi rOzongwena. Movimbumba wina otjomundu ngwa nyandere otjimbere mwari owo tjira mee ku seinina, o African Stars, otjomunyande na wina otjaimwe omuyandje woruvara wondondo yo kombanda tjimuna yo mu yandjaruvara omutenga, Uahira Tjirondero. Wina otjira tja Zorongondo tjotjimbere ihi o Blue Waters, otjo ngamba tjitjiri epanga ro African Stars, tja hindire oruhindo ronÿengu rozonyose zatjo zerero, kemwe koumbihi wo ko mbanda mo ku ka kakareko mo Namibia, Bonetti, Theu Amadhila na Ranga Rongeni Lucas. 

Tjingetjo Kahirona ya Tjiwarongo tjorutenda eye pa twa rera omayandero we wotjimbere ko ndondo yarwe no tji tjiri otjira omundu tjimotja otji tjemu nyanganyangisa kutja over vyarwe vyute oku mumuna no ku hara ombango muye. 
Otjondekurona yo TjiÞiro Otjindjandja wina eye no serekaze Jane, mbu va kayata ozombaze zao oveni mOmahi Omakutasane wa America morukondwa o New York motjihuro tjen tjingero  kotjiposa tjombindu yOvaherero nOvakwena, oupuyke we motjito ihi wina rwa zemburukirwe nomasa tjinga erapi rotjiserandu arari ara seraereke ehi rokongotwe rondongamo nawina aari vivaiva kotjipamba tjondjuwo. 

Tjimwe omuyaruke Kuhanga kumasewa ama zemburukirwa oku kurama puno serekaze ye, Jane, mongondjero yokutja ozofarama zo zondekurona zOtjitiro Otjindjanda ndu vaisa motukutu twazo ozeni ndehazire mo ma handurisiro, no zo ndu va randa mo ku tuuringira mOmbaanga yOtutunmbo nOvikunwa kuvayazema otjimariva, aze hayaruka mena ro zo ndjo. Ozongondjero inÿa onÿa kwata orutu rova Þuta mbaa vehendekwa, o Previously Disadvantaged Namibian Farmers Union (PDNFU), nai nduhaamisiwa iyo Serekaze Kuhanga. Ino munene yomuyaruke omukazendu omukwenambura wazirire mo va Ndoijti vo vano indji  Engelhardt poo von Engelhardt. 
 


Kae Matundu-Tjiparuro
2020-10-16 08:44:37 | 5 days ago

Be the first to post a comment...

You might also like...