Opolifi moshitukulwa sha//Kharas otai konakona oshibofa shokakadona keedula 19 vati ka kwatwa onghonga komulumenhu wosuwala shako.

Oshiningwanima osha ningilwa modoolopa yaKeetmanshoop oshivike dja ko. Nakuninga oshihakanwa omunafikola e li mondodo omhi-12. Omukulunhu koshikondo shokukonakona oimbuluma wopolifi moshitukulwa shaKaras, omupedu Commissioner Nicodemus Mbango okwa hokolola ta ti omufekelwa omumwainamati womulumenhu wokakadona oko ka kwatwa onghonga. Opolifi oya hokolola tai ti nakuninga oshihakanwa okwa li a ka pandwa keumbo haku di omufekelwa. Otaku hokololwa kutya omukainhu ou kwa li ta pande nakuninga oshihakanwa okwa ka kosha oikutu nokonima okwa kala e li pondje yeumbo ta nyaneke oikutu.

Okudja opo vati omufekelwa okwa tutumbila okakadona monduda yaye noku ka longela omunyonena wopaixulo.

Omukainhu ou kwa li ta kosho oikutu pondje okwa uda ashike omunhu ta kuu meumbo, mboli okahewa kaye ta kwatwa onghonga. Omufekelwa okwa faduka po nomakonakono opolifi otaa twikile. Opolifi oya kumaida ovakainhu opo va kale va kotoka ngeenge ve li novalumenhu opo ku kelelwe va ninge oihakanwa yokukwatwa onghonga.

Oshiwana osha kumaidwa opo shi lopotele oibofa yomakwatonghonga pefimbo.

fhamalwa@nepc.com.na