Omulumenhu weedula 42 vati okwa fya eshi a tuwa nombele komulumenhu waye ou vati ve li naye mekwatafano lopaihole 

Opolifi oya hokolola tai ti ovalumenhu ava ova kala ve li vati mekwatafano lopaihole efimbo lile.

Oshiningwanina eshi osha ningilwa moodolopa yaKeetmanshoop Omaandaxa efimbo loufiku keumbo oku nakufya a hangika ‘nohonda’ imwepo nayo yomulumenhu.

Nakufya okwa tongololwa oye Manuel Gawaseb omukalimo wodoolopa Keetmanshoop.

Omukonakoni woimbuluma wopolifi moshitukulwa shaKeetmashoops omupedu Commissioner Nicodemus Mbango okwa hokolola ta ti omufekelwa okwa uda omahokololo kutya omulumenhu waye ohai moixulo nomulumenhu umwepo.

Okudja opo omufekelwa efiku limwe okwa landula Gawaseb fiyo te mu hange konduda e li nomulumenhu mukwao oo vati he livakele okuya naye moixulo.

Opolifi oya hokolola tai ti omufekelwa okwa twa omulumenhu waye nombele fiyo ta xulifa.

Omufekelwa okwa kwatwa po nota holoka momhangu nena mEtitatu eshi ta pangulilwa oshibofa shedipawo.

Oshiningwanima shikwao, omulumenhu weedula 31 ha longele etanga leameno okwa dipawa eshi a tuwa nombele kokakadona keedula 19 shaashi vati a patulula obiila yako ine ka pula epitikilo.

Oshiningwanima eshi nasho osha ningwa modoolopa yaKeetmanshoop Etivali efimbo longula.

Nakufya okwa tongololwa oye Elifas Uukongo omunailonga wetanga leameno moKeetmanshoop.

Opolifi oya hokolola tai ti Uukongo vati okwa tameka okutuka omufekelwa eshi ta pulwa kutya omolwashike a patulula obiila yaye ine mu pa epitikilo.

Okudja opo omufekelwa okwa kufa ombele noku mu twa fiyo ta xulifile ponhele opo. Omufekelwa okwa kwatwa po nomakonakono opolifi otaa twikile.

fhamalwa@nepc.com.na