Omulumenhu weedula 49 vati okwe livaka kombete pefimbo kwa li va nangala nanekulu laye ndele ta ka kwata omutekulu waye onghonga oo kwa li a nangala pedu monduda imwe navo.
Oshiningwanima eshi osha ningilwa momukunda Omalilika moshitukulwa shaShikoto oshivike sha dja ko.
Omupopiliko wopolifi moshitukulwa shaShikoto Inspector Ellen Nehale okwa hokolola ta ti omufekelwa okwe ya meumbo a dilila keendingosho a kolwa.
Vati omufekelwa ova ka nangala kombete imwe nomukulukadi waye omanga nakuninga oshihakanwa okwa li a nangala pedu petalashe nounona vakwao monduda tuu omo.
Otaku hokololwa kutya mokati koufiku omukefelwa okwe lindjodja po pombete pefimbo nekulu laye kwa li a kofa.
Vati omufekelwa okwa ya petalashe ndele ta kwata omutekulu waye komulungu opo aha udike ngeenge ta kuu noku mu kwata onghonga.
Omufekelwa vati okwa ningila omutekulu omatilifo ehe shi popye kovaneumbo kutya okwe mu kwata onghonga.
Ouyelele ou owe uya kombada eshi nakuninga oshihakanwa a ka didilika ta vele pokati komaulu nokonima okwa ka lombwela ovaneumbo.
Opolifi oya hokolola tai ti nakuninga oshihakanwa omupambele womukulukadi womukufekelwa.
Vati omufekelwa okwa kala shito ha pula omutekulu opo vaye naye moixulo unene tuu ngeenge a dja keendingosho.
Omufekelwa okwa faduka po konima eshi a mona kutya omutekulu okwa shivifila ovaneumbo, ashike opolifi oye lipyakidila noku mu konga nokukala a kwata po diva.
Oshiningwanima shikwao, okaana keedula omuwoi oka tambulilwa moshipangelo konima eshi ka monifwa oshiponga nokukwatwa onghonga koumatyona vatatu.
Oshiningwanima eshi osha ningilwa moixwa Etitatu momukunda Omaandi moshitukulwa shaMusati.
Opolifi oya koleka tai ti oumatyona vavali, umwe oku na eedula 10 omanga umwe oku na eedula 15 ova kwatwa po omanga okamatyona kamwe oka faduka po.
fhamalwa@nepc.com.na