Omupolifi, oshilyo shetanga leameno, omunailonga melelo lodoolopa mOkahao nomunangeshafa ove lihanga konima yekumba eshi va hangwa nomayoo eemhanda e li a hetatu.
Ovalumenhu ava veli vene ova kwatwa po onguloshi yOsoondaxa kOshikango, pefimbo lokashava kopolifi, shaashi kwali tava enda enda konima yeevili depato. Eshi va kanghamekwa opolifi oya hada motuwa yavo, noku hanga mo omayoo ahetatu eemhanda.
Eshi va twalwa kositaasi yopolifi, okwa ka didilikiwa kutya umwe womovafekelwa omupolifi namukwao omukwaita.
Opolifi oya koleka oshiningwanima eshi, tai ti otava holoka nena momhangulilo yaMangestalata mOhangwena.
Opolifi oya kwata po vali omulumenhu a hangwa ena eeholo dondjebo di na ongushu yoN$2500, pefimbo a li ta kendabala oku tauluka eengaba a yuka moAngola. Omulumenhu ou womido 42 naye okwa teelelwa a holo komhangu nena.
Matheus Erastus weedula 29, na Jonas Johannes Lungameni weedula 31 ovaanyenwa okuli futilamo modolongo mumengestrata waHangwena Omandaxa.
Ovatamanekwa a va ova holoka momangu yaHangwena Omandaxa shina sha noshimbofa eshi va yasha nokunyeka po otuwa, ongodi yopeka nondjato yoimaliwa yomulumenhu Johannes Toivo, weedula 36 pokati kondjila yaShikango nOmafo efimbo longuloshi, moshitukulwa shaHangwena.
Ovatamanekwa a va ova kala nokukongwa kopolifi fiyo vakwatwa po Etitano komukunda Okatope moshitukulwa shaHangwena.
Ovatamanekwa a va ovena okukala modolongo opo opolifi ininge omakonakono a wana kombinga yoshimbofa eshi.
Toivo okwali a yashwa nondjembo momunhino, momupolo nokunyekwa otuwa yaye kookalyamupombo a va momafiku eshi ali 28 May 2021 eshi kwali alefwa kovakookalyamupombo.
Toivo okuli alakelwa moshipangelo shaShakati omo kwali atambulilwa, notakuhokololwa kutya okuli monghalo ili xwe po paife.
Pokati opo opolifi oya hokolola kutya otuwa yaToivo oili ya monika paife, vati oya hangika kodolopa yaPuwo moshitukulwa shaKunene.
Opolifi oya ti otuwa ei oya hangika ya tekauaka, ngaashi va ti omalola okwa teka nokomutwe wotuwa okwa teka.
Ovatamanekwa oveli modolongo yaHangwena, nomakonakono opolifi onghee taa twikile.