New Era Newspaper

New Era Epaper
Icon Collap
...
Home / Ounona ve na oulema woshipa va anyenwa ofooloma yomakwafo epangelo

Ounona ve na oulema woshipa va anyenwa ofooloma yomakwafo epangelo

2021-06-23  Festus Hamalwa

Ounona ve na oulema woshipa va anyenwa ofooloma yomakwafo epangelo

Ounona voukwanambwiyu va dalwa ve na oulema woshipa, ve na eemwedi nhatu vati ova anyenwa ofooloma opo va kale tava mono oshimaliwa eshi hashi pewa ounona aveshe ava ve na onghalo ya pumbwa eyambidido.

Omukulunhu wehangano lovanhu ve na oulema woshipa loAlbino Association Namibia Joseph Ndinomupya okwa hokolola ta ti ounona ava okwa li va twalwa kuina kokakilinika poBlack Chain poKatutura
opo ngeno va pewe ofooloma yandokotola opo va kale tava mono oshimaliwa
kepangelo, ashike ove i anyenwa.

Ndinomupya okwa ti ounona ava ova anyenwa ofooloma kundokotola shaashi vati kape na omadidiliko taa ulike kutya
ove na oulema.

Kundana okwa popya naina younona
ava Hadelina Shanyenge oo a hokolola ta ti okwa nyemata neenghono eshi ndokotola a anyena ounona vaye ofooloma yokukala
tava mono oshimaliwa.

“Ndokotola okwa pulange ta ti, oshike tashi ulike kutya ounona vange ove na oulema. Okwa ti kutya ounona vange kave shi oulema shaashi va dalwa noshipa shitoka, onghee okwa ti ita pe nge ofooloma tuu
nande. Onda kwena moshili shaashi onda
uda nai kounona vange va dalelwa
moNamibia, vo ove na noufemba woshilongo ndele otava anyenwa ofooloma shaashi vati kape na omadidiliko oulema,” Shanyenge ta hokolola.

Ndinomupya okwa hokolola ta ti
ovanhu ve na oulema woshipa ihava talika
ko va fa ovanhu aveshe moshilongo, vati ohava ningwa okatongo ngeenge tava ka konga omayakulo keembelewa.

Okwa ti kasha li mondjila ounona va dalelwa moNamibia ndele otava anyenwa ofooloma kundokotola opo va kale tava
mono omauwa okudilila kepangelo. 

Okwa ti eshi oshi li oshikando oshititano eendokolo moNamibia hadi anyene ounon
a ve na oulema woshipa eefooloma domakwafelo.

Onghee okwa ti oshinima eshi nashi mone exulilo shaashi kasha li mondjila, yee ta ti keshe okaana ke na oulema woshipa oke na oufemba wokukala taka mono omakwafo taa di kepangelo.


2021-06-23  Festus Hamalwa

Share on social media