Omukulunhu wehangano loMonica Gender Equality, Human Rights and Social Justice Shaanika Nashilongo okwa ti ovafiyekadi vahapu ova ninga oihakanwa yokufiwa pomutenya eshi omaliko ayeshe haa yangatwa po koonakufyuulula ngeenge va filwa ovashamane vavo. 

Okwa ti ovafiyekadi ohava kufwa omaliko ngaashi eetuwa, eengobe noimaliwa i li komavalulilo eembaanga. 

Okwa ti okudja omudo wa dja ko fiyo oneudo ombelewa yavo oya lopotelwa oibofa 100 yovafiyekadi va fiwa pomutenya kovakwapata vovashamane vavo. 

Okwa yelifa ta ti unene tuu ovakainhu hava di komikunda ovo unene ve li moudjuu, tava kengelelwa ngeenge va filwa ovashamane vavo shaashi kave na ouyelele kutya otava kongo ngahelipi omakwafo. 

“Okuhe na ouyelele osho shimwe shi li eshongo linene la taalelwa kovafiyeekadi komikunda shaashi vahapu ohava kala shike va mwena noku itavela eshi tava lombwelwa kovakwapata vova shamane vavo,” Nashilongo ta ti. 

Meenghundafana a ninga naKundana Etitatu Nashilongo okwa hokolola ta ti ngeenge ovafiyekadi tava kufwa omaliko ovashamane, nena ovafiyekadi vamwe ohava ka lopota koovene vomikunda ashike ihava mono ko omakwafo shaashi mwene womukunda naye iha kala e na eenghono dokuninga omatokolo. 

O kwa k u m a i d a ovafiyekadi neefiye opo va kale tava lopotele eembelewa keemhangu odo di li moitukulwa yavo ngeenge tava kufwa omal iko avo shaashi eemhangu ohadi kwafele ovanhu moikumhungu yomafyuululo. 

“Ombelewa yetu oye lilongekida okukala tai popile ovafiyekadi neefiye noshoyo okulwifa omahepeko ou k a s h i k e k o o k a n hu noimbuluma. Onghee oshiwana nashi kale alushe tashi lopotele ombelewa yetu konomola 0812222077,” Nashilongo ta ti. 

fhamalwa@nepc.com.na