New Era Newspaper

New Era Epaper
Icon Collap
...
Home / Penokanÿinina kehi rotjizeero?

Penokanÿinina kehi rotjizeero?

2018-09-21  Kae Matundu-Tjiparuro

Penokanÿinina kehi rotjizeero?
Top of a Page

OTJOMUISE- Kapeyakara ondaze kotjiveta posya mapemunika ayo kuna okandinina kokurwe ngwina komerihekeneno wozombara zOvaherero nOvambanderu novimbumba vyarwe vyopendje nohoromende  ohunga nOmbongarero yOtjiwa¿a yEhi Oitjavari ndjimaihaama omweze mbumauyende omayuva tjiyeri 1-5.

Tjiyari 14 komweze imbwi ovimbumba imbi otjivyahndire orutuu koministera ondenga, Saara Kuugongelwa-Amadhila, nguri omuhaamise wombongarero indji muvya raisire ongendo nouzeu wavyo ohunga nozohaviho peke peke zomasembamisiro wombongarero yehi indji. Muwo muna nu mbivyatjere ondjiri oongendo onenenene, muna kokutja “ombongarero indji kaina kutoora otjina jtehi rotjizeero komutima mena rokutja ehi orjtizeero karimwe romapu omahungirirwa momapu warwe wotjikoro nu munao otjiriheri epu romapu ozongunde”.

Tjarwe wina otjimbumba ihi tjaraisa ouzeu watjo nonduri nomuhapo wokomiti ohoromende orongerise yombongarero indji nomwano mbuyasembamisiwa. Tjinene vaningirire kutja okomiti indji, ndjimaitjiukwa otjokomiti yokombanda, ikare nomaunguriro ngeri poruhaera naihapatere ovandu tjiva pendje.  Mavetja omatoororero noma¿angero wovahaame mombongarero indji kayena ovika¿eno ovikahuke kutja oune ngwanangwa nuwanangerwa tjike nu kwatarewa kutjike kutja ma¿angwe. 

Tjingetjo ovimbumba imbi vyayendekere kokutja otutuu twozongumeno vaimba mbayekwa omahi katupa tworutuu rombongarero indji. Wina omatyasaneno ngari mouparanga wehi motukondwa kayeyenene nu kayari omaparanga pupeÞapi tjinga oyo ayayandera movihuro vyotukondwa uriri nayehavaza komaturiro wokozombanda owo kukuturira otjingi tjovandu kozombada mbapandjara ehi. 

Kehi yovinenge imbi ovimbumba imbi otjivyaningirire kokutja  ovinenge avihe imbi mbyatamunuwa komurungu imba vi¿unwe. Pendje na nao vyaningirire kutja vepewe orutuu rondjivisiro aihe ohnga naimba mbahandurisiwa okuza kongutukiro komurungu wombongarero yehi. Vyatjere mapemunika ayo otjingi tjovanangwa kombongarero indji ozoministera novaungure vohoromende varwe munao otjeri ohepero kokutja omanangero inga yehendekere kwimba mbapandjara ehi.  Omauhonapare wombazu otjoutjevere waimba mbapandjara ehi maiso okukuramenwapo pupayenene  motutu aruhe peke peke otutie twombongarero indji.  Wina omatjangwa notutuu twozongurameno zomauhonapare wozombazu woviwa¿a  mbyapandjara ehi maviso okukakuramenwapo pombongarero yehi iyovatjiwe vyavyo. Orutuu oruseinina romapu omahungirirwa pombogarero indji maruso okuhandjaurwa ape oviveke vivari komurungu wombongarero indji ku avehe mbenoruopa muyo kutja owo verukonÿonone nu tjeri ohepero verurundurure. Ovimbumba vyatjere epu rehi rakutwa kuna OtjiÞiro Otjindjandja ookatama neyo nu munao otjipehasere okuhingirira kehi nokuhina okutwa otjihungiriro ihi meho r OtjiÞiro Otjindjandja. 

Koruseinina onÿero yovimbumba imbi kutja komayandero wayo ombongarero yehi indji ikare nongutiro ongunÿe  womausemba womakotorero wehi rotjizeero amavitjia ombongarero yo 1991 kainaindu yanakaura ehi rotjizeero kaparukaze nungwari yaraisa uriri kokutja ouzeu okukotora ehi rotjizeero arihe, mena rokutja ehi arihe rotjizeero rionvengi mberirarakana mbetja orao. Ovimbumba imbi mavitja imbwi kauzeu mbwasere okutjaera ehi rotjizeero kaparukaze tjinga apena omyano omingi peke peke okwiisira nokutarera komahi yarwe mouye omwano mbuyaungura nepu tjingero.


2018-09-21  Kae Matundu-Tjiparuro

Tags: Khomas
Share on social media
Bottom of a page