• September 23rd, 2018
Login / Register

Sibaka salindiala sa Mafuta sifumana neulo yalitapi


Katima Mulilo – Sibaka sa Mafuta sifumaneha libima zelishumi kuzwa mwatolopo ya Katima Mulilo, mi teñi sibaka sapabalelo yalindiala nibanana sesibizwa kalibizo la silalanda, sibabalela banana balindiala kuzwelela mwasilalanda nikwaminzi yeli bukaufi ya Musanga ni Chefuzwe. Sibaka sapabalelo sitalimani nimatata akutokwa masheleñi kakuli nombolo yalindiala nibanana babashebile inze iekeza nako kaufela. Kanako yacwale sibaka sibabalela lindiala nibanana babashebile babafita famashumi aketalizoho, hala banana babañolisizwe bamwanda nimashumi asilezi.

Yomuñwi wabababalela banana kwasibaka sale, Cherio Kaka, nasakoni kupata maikuto ahae kasamulaho aku amuhela neulo yelikani yalitapi zamwamakapa kuzwelela kwapinisi ya Papati Labulalu. “Lutabile hahulu nikuitumela kaku amuhela neulo ye, kakuli itile kanako yeswanela kakuli nelusina busunso,” nekubulezi Kaka. Sharon Limbo kuzwelela kwa Pisinisi ya Papati naize kitukelo yamañi ni mañi yakubona kuli bafa lituso mobakona, mi kikalibaka leo kampani yahae nefile neulo yeo. “’Kakuba kampani luna nikolo yakutusa, mi lulela kuzwelapili kutusa molukona,” nabulezi.

Maikuto ahae nazamaelela nimuhaboyena Mushohe Kumanina, yana kupile batu balipisinisi mwasikiliti sa Zambezi ni naha kabupala kuli babe nikolo mwa kulwanisa bunjebwe mwanaha. “Balipisinisi kaufela babana nisesiñwi, ikona kuba sesinyinyani, musebezi olufilwe kikuli lutuse,” nabulezi.


2018-08-20 09:34:08 1 months ago
Share on social media

Be the first to post a comment...