Uuministeli womidhingoloko, omakuti nomatalelopo owa dhipaga oondjamba ne monooli yoshilongo konima sho dha li dha hanagula po iilikolomwa yomomapya yaakwashigwana iiwike iyali ya pita. Omunambelewa omukuluntupitithi muuministeli mbuka Romeo Muyunda okwa li a lombwele oshikundaneki shoNew Era kutya oondjamba ne ndhika odha li dha dhipagwa momasiku 27 Apiilili nomasiku 3 Mai miitopolwa yaShikoto nOmusati. Muyunda ta fatulula kutya oondjamba mbali odha li dha dhipagwa opo aakwashigwana ya pepelelwe; yimwe oya li ya monithwa oshiponga kaakwashigwana sho ya li tayi zi mepaya okmanga onkwawo ya adhika tayi eta uupyakadhi mOshikoto.
Okwa ti mokati koondjamba yimwe oya li ya ehamekwa kaakwashigwana momukunda Orukupa popepi nOkomizema moshitopolwa shaMusati sho ya adhika tayi zi momapya gaantu. Omanga oonkwawo dha li dha tothwa mo kaanambelewa opo aakwshigwana ya pepelelwe. Muyunda okwa li a fatulula kutya uuministeli otawu tala nawa oonkalo ndhika dhomaipumomumwe pokati kaantu niiyamakuti, nangele otayi tsikile nena naashoka sha li sha ningwa mOshikoto nOmustai otashi vulu okuningwa miitopolwa yilwe uuna iiyamakuti ya tameke okupiyaganeka aantu.