Ovahongifikola ko I.K Tjimuhiva Combined School ova patululila oshibofa umatyona vovanafikola vatatu shaashi vati va teya ekulo lofikola yavo ndele tava kufa mo eemboloto, ombelela nombuta. Oshiningwanima eshi osha ningwa Etivali mokati koufiku lwopotundi 02h00 kosekundofikola oyo i li momukunda Omakange, moshitukulwa shaKunene. 

O m u k o n a k o n i woimbuluma wopol i f i moshitukulwa shaKunene omupedu Commissioner Paavo Iiyambo okwa hokolola ta ti oumatyona ova teta oluumbo lodalate nokuteya omuvelo wekulo ndele tava kufa mo eemboloto 15, oshipakete shombelela nokambaki kombuta. 

Vati ova fekelwa kave li momuhandjofikola ashike ohava di pomaumbo e li popepi nofikola. 

Omufekelwa umwe oku na eedula 21, umwe oku na eedula 19 namukwao eedula 17. 

Omukulunhufikola po I.K Tjimuhiva Combined School, Linus Fillipus okwa kunghilila ovanafikola opo va xulife po okuvaka po omaliko ofikola. 

F i l l i p u s o k w a t i oshikumungu sha longwa kovanafikola otashi ulike efano lii kofikola noshoyo o s h ihopaenenwa s h ii kovanafikola vakwao. 

O k w a t i o t a k a kenghendabala opo ku wedelwe omwaalu wovakeleli vomaliko mofikola shaashi ofikola yavo oya kula. 

“Ohatu ka tula mo omukeleli womaliko umwe ta kala ta longele komuhandjo omanga umwe ota kala e li kombinga oku kwaama eembelewa dofikola. 

Okwa weda po ta ti ovanafikola ngeenge ove li momhumbwe yoikulya nava kale tava kwatafana nombelewa yaye opo ku ningwe omalongekido nghee ve na okuyambididwa noikulya. 

fhmalwa@nepc.com.na