Okaana keedula omuwoyi oka kwatwa onghonga vati kuxe a hombola ina.
Omulumenhu nakufekelwa moshiningwanima eshi okwa kwatelwa meumbo lavo molukanda Oshandumbala moWindhoek Omaandaxa.
Omupopiliko wopolifi moshitukulwa shaKhomas Warrant Silas Shipandeni okwa hokolola ta ti okaana vati oka kala nokukwatelwa onghonga meumbo lwoikando ihapu kuxe fiyo ta ka lopotele ina.
Oshiningwanima shikwao, oshokaana keedula hetatu nako ka kwatwa onghonga komushiinda shavo molukanda Dolam moWindhoek meumbo laye momafiku eshi a li 18 omwedi ou. Opolifi oya hokolola tai ti okaana oka kala nokuhekelwa oimaliwa komufekelwa opo vaye nako moixulo. Ouyelele owe uya kombada eshi umwe womumwainamati wa nakushikahanwa e mu pula kutya oshike e hole oimaliwa ashike vati nakuninga oshihakanwa okwa nyamukula ta ti okwai ka okupewa oimaliwa komufekelwa ngeenge tai naye moixulo.
Okudja opo nakuninga oshihakanwa okwa ningilwa omapulapulo kovaneumbo vaye ashike okwe va hokololala kutya okwa kala nokukala tai wa naye moixulo loikando ihapu nohekelwa oshimaliwa komufekelwa ou e li omushiinda shaye.
Vati okudja opo ovadali vokaana ova lopotela opolifi kombinga yoshiningwanima eshi. Oshiningwanimwa shikwao, osho kakadona keedula 16 nako ka kwatwa onghonga eshi kwa li ta kadi koshivilodalo shakahewa kaye ndele ka nukilwa komufekelwa mondjila nokuya nako moixulo.
Oshiningwanima eshi osha ningilwa molukanda Ombili moWindhoek Omaandaxa.
Opolifi oya ti ka pena omufekelwa a kwatwa po moibofa aishe yomakwatonghonga shaashi opolifi oye li pyakidila nokuninga omakonakono.
Omukainhu weedula 22 e na oudu wopamadilaadilo naye okwa kwatwa onghonga eshi a nukilwa komufekelwa ndele tai nai moixulo moixwa.
Oshiningwanima eshi osha ningwa komukunda Onamishu moshitukulwa shaShikoto efimbo lokomatango Etivali.
Opolifi oya hokolola tai ti nakuninga oshihakanwa okwa hangika tadi ketambi a ka teka omeva okumwefa oikombo.
Vati ovakwashiwana kwa li ve li mondjila yokuya kopomba ova hanga omufekelwa moixwa e li nomukainhu ou moixulo.
Omufekelwa okwa kwatwa po nota holoka momhangu Etitano eshi pangulilwa oshibofa shekwatonghonga. fhamalwa@nepc.com.na