President Netumbo Nandi-Ndaitwah kageve ruguwo rwendi mokukwama nomfa da Lasarus ! Guited.age kwakere mukondjeli emanguruko vafumadekere unene ntani nage gumwe vakwete vamutware koRobben Island. Age kadogorokere mo 15 Pembankuru 2025, nonomvhura 83. Montumwaraka zomavete kageve nye hamutjanga gembo lyenene, moutano kaupwire, Presidente Netumbo Nandi-Ndaitwah katjangwilire nakufa asi murwi gapira utjirwe gumwe galituramo ngomukwayita. Age kwakere modorongo omu gakamwene siponga koRobben Island omu nye gayakere hena asi gumwe nage gakere muzigindwa ayakare pokundana silika semanguruko. Age kamutjangwilire asi murwi nawa nawa gwanare.
Morwa kulituramo nye kwendi mokukondjera sirongo esi, Comrade !Guiter kwakamuhwikire nomarutjeno modorongo zaRobben Island omu nage gakere gumwe vakamene siponga modorongo, kumwe novakwawo ngwendi Andimba Toivo YaToivo, Eliazer Tuhadeleni, navamwe ngoso yimo nye ana kutanta Presidente ngoso.
Kwamona siponga
Kwamuhampuruka mo 1942, Guiteb kwayakere nye muna politika gomunene kutunda tupu opo vayatulire asi ngesi vahepa nye kukondjera sirongo esi simanguruke. Age gumwe nye owo valipakerere kombunga zaSWAPO monomvhura danare. Siruwo sina simpe kurugana monad ndi kahorehore vahakumona asi ove kuna kuvatera SWAPO. Morwa elituromo lyendi age yipo vamukwete vepangero lyakereko lyoukoloni. Age kwamutwere kodorogo zondona zakere mosirongo saSouth Africa kevango eli vatulire asi lyovanadorongo woupolitika. Oko yiko nye gakakere nomvhura nonomvhura kumwe novakwawo ngwendi Toivo YaToivo ntani Eliaser Tuhadeleni. Apa nye vamupwagesere, !Guiteb age simpe tayatwikire kuyalihamesera nokuvatera mbunga zendi dogoro twayagwana emanguruko mo 1990.
Age kwayakere nye gokurugana mompongasano ntani moyirugana yaSWAPO, omu ngagava kweyi gadivako kuhamena upolitika. !Guiteb silyo sombunga ntani gumwe gadiva noveta nokudikwama. Age kuna tusigire nye elikwamo lyokulituramo nokurugana nomukumo. Kwakwama nye asi ezuvake vana kumuhoreka kuna kuyindindira eyi vayigave paveta sinkwa ntani, vanekoro ntani epangero mwaza mazuva gaaga.