Taimi Hiahambo
Omupresident Netumbo Nandi-Ndaitwah okwa yandja olopota koshiwana ina sha nomafiku 100 oo a kala koshipundi onga omutwe woshilongo.
Oshiindingili osho sha ningilwa kendiki loHage Geingob School of Medicine moWindhoek okwa li wa yulukila keshe oo a hala oku uda exumokomesho la etwa po komupresidente mokafimbo oko a kala koshipundi. Nandi-Ndaitwah okwa ti moule weee mwedi nhatu koshipundi okwa ulika eeminista dili 14 ovapedu minista ve li vaheyali, noshoyo oongoloneya voitukulwa konyala aishe moshilongo, ka kele koshitukulwa shaMaheke osho shi na ngoloneya e li shuna koshipundi.
“Okwa ti okwa ta lela po noku talelwa po yoo koilongo ihapu nokupanga oukaume nayo. “Oilongo oyo oya kwatela India, oo twa tu la po naye eudafano nelongelo kumwe la kola. Namibia okwa panga oukame naIndia mo ku kwafa moikondo yafika puitano ngaashi ounamapya, ounamiti, oungoba, oshoyo ounangeshefa,” Nandi-Ndaitwah ta ti.
Okwa twikila kutya oshikondo shounamapya meni loshilongo ota u shi endifa shaashi owamona eteyo lepungu eetona 9,947, eetona 300 doihakautu oshoyo eetona 39 dosunflower.
Epangelo vati natango oli li metifa oku patulula ofaalama yakula moKavango East hai ufanwa Uvhungu – Vhungu Dairy Farm, na imwe koKatima Mulilo, kEkoka moshitukulwa shaHangwena oshoyo kOmaheke.
Ombelelwa yOmupilima opamwe nehangano loWorld Food Programe, vati ova tula omadiilalo kumwe va patulule ofaalama kOtjombinde koshitukulwa shaMaheke, opo va tameke oshikunino shoikulya yoshikukuta, shihange oshikefa shepangelo ondjilakati.
Opologalama yoludi eli natango vati otai ka andjakanekwa koitukulwa yafika po13 moshilogo oku kwafa ovanhu.
“Onda hafa yoo oku shiivifa kutya odjo yakula yomeva hai ufanwa Neckartal Dam Irrigation otai ningilwa omapekapeko, opo i dule oku andjakanifa omeva mo ku kwafa oshikondo shounamapya,” Nandi-Ndaitwah ye lifa.
Nandi-Ndaitwah okwa twikila ko kutya otava patulula onhele ina omashina okuninga eembuto noushosho wopashinanena.
Omupresidente okwa ti ewedelo lopendjela yokomwedi yovakulupe nalo ine li dimbwa, oli li oshilyo shakula shoinakuwanifa yaye.
Okwa kumaida ovakulupe ve li didimike manga, ashike oku wedelwa ove na oku wedelwa.