Omuhikingalo a tseyika nawa Ras Sheehama ota ka fumbikwa mOlyomakaya ngaka noshituthihupulutho she otashi ningwa ngula omanga nena taku ningwa edhimbuluthonkalamwenyo lye okupitila moongalo. Sheehama okwa hulitha momasiku 5 Sepe temba nuumvo sho a ikutha omwenyo, Iimangeleke. Okwa li e na omimvo 59. 

Okwa tse yikila oongalo dhoreggae. Sheehama okwa li a yi kombanda momumvo 1979 n kwa gallukile moshilongo momumvo 1990. 

Okwa thigi ko omukulukadhi gwe, oyaana yaheyali naatekulu osho wo aamwayina. 

Ondoolopa yOutapi oyu udha aantu osho wo aahikingalo ya yooloka mboka taya ka dhimbulukwa omuhikingalo pamwe nayo. 

Omapandela goreggea oga tsilikwa okuya megumbo lyaandjawo ngoka taga ulike ombepo nonkalo ye. 

Wilhemina Sheehama omumwayinakadhona okwa ti, otaya kala taya dhana oongalo dhaSheehama sigo ta mono ehala lye lyaaluhe. 

“Oshigwana osha mangula ok zala kehe shoka sha hala, ngoka a hala ok zala omuzalo goreggea okwa manguluka, elalakano okuthindikila Sheehama noku mu pa esimaneko lyahugunina,” ta ti ngaaka. 

Wilhemina ngoka a popileko wo aamwayina okwa ti, Sheehama okwa kala ha popi kutya kape na omuntu kee na uudhigu, kehe gumwe ota vulu okuteka po. 

Aamwayina oya dhimbulukwa mumwayina ongomuntu gwombili, gwaantu ayehe, e hole kehe gumwe ye kehole omahokololo osho wo omalwaambo. 

“Sheehama oku na oshiho nakehe gumwe, ke na kutya olye, e na nenge kee na sha. Thimbo limwe oto adha e li naanona mboka haya zi momapandaanda kohi yoontopa, ta topola ohole ye nayo,” ta ti ngaaka. 

Ta ti, oya kala ye na ekwatathano ewanawa namu mwayina okuza kuushona sigo ya koko. 

Ta hokolola kutya ota dhimbulukwa sho a kala noku ya ganda kutya, ngele ya gongala inaya hokola aantu, ihe naya kundathane shoka tashi tungu. 

“Omumwameme okwa kala e na onkalo ya pumbwa, iha tongola aantu, ihe oha taamba ko kehe gumwe kashi na kutya oku li muukwatya wu li ngiini,” ta popi ngaaka.