Xoa-aos- Magreth Nunuhes
׀AEǁGAMS – ǁŌ╪oa ge Gaob Kuaima Riruakob, OvaHerero ǁaes dib ge ╪âis !nâ nî ūhâhe ǁîb di harasasib tsî ǁkhoa╪gaoxasib hîab ǁîb di khoen tsî !hūba ra tsâ׀khā ǁhōnab gere gowa׀î ǁaeb ai gere ǁgaub !aroma. President Hifikepunye Pohambab ge nēsa ǁîb di gowa׀îs hîab ge Dr Hage Geingob, ╪Guro Ministeri Namibiab diba ǁîb soas ai ǁō╪oa ge Gaob Kuaima Riruakob tsâbaǁhaos !oabas hîa ai!â gere ╪oa wekheb Fraitaxtsēs ai Parlements !Hanab !nâ ge ūhe hâ is tawa gere ǁkhaeǁnâs !nâ ge mî.
“ǁÎb ge tātsēs tsîna !ao tsî mâ-oa tama ge hâ i !hūba ra tsâ׀khā ǁhōna gowa׀îs !nâ tsî ǁîb di ╪âi׀gauga !norasase tsî ╪hau!nâse gere ǁgâi╪ui,” tib ge President age mî, !aru׀î ׀aro tsî gere mîse, Riruakob !gōsase ǁnā kai tsî mâ╪oa hâ !âs hîab ge Namibiab tsî Duits!hūb hâklha īge ǁaeb !nae!khaidi !nâ gere ׀hurus ╪namipe.
Presidenti ge Gaob Riruakoba koasa gere mâ, mîb gerese ǁîb ge ǁîb di ╪aisa dā╪nûi tsî a ╪gao׀khāsa !hūb !nâ oahā-ūhes !hūǁîn hîa ge Duitsern !gam╪uidi !nâ !gamhe tsî dana╪khōdi âna Duits!hūb !nâ noxopa ūhe hân dide. ǁîb ge nē sausa ǁhōb nî !hoa╪amhe !khais di aoǁguiba parlementss !nâ ge dī, tsîb ge nē ǁhōba gaxu ╪gaenam!gâgu khao!gâ !khō!gâhe tsî ǁîb di ǁkhoreba ge dī׀oa׀oahe.
“Nēb ge ׀gaub Riruakob gere ǁgauba ǁîb di -aes khoen tsî !hūb di ǁan╪gāsabena ╪hâbasib hâ !khaisa īge ǁaeb !nâ ge dīhe tsûtsû-ain tsî ╪hanu tama sîsen׀gaugu Duitse ╪gae╪guis !nakan 1904 xu 1908 kōsen nî gowa׀îhesa,” tib ge Pohambaba gere ǁgâi╪uisen. “Gaob Riruakob ge !aru׀î sada ǁaegu hâ tsî mûsa tide xawe ǁîb di !gâi dīgu ge nî ûihâhâ tsî ╪guin xa ǁgaeǁgae tsî sao!gonhe,” tib ge ge mî.
Gaob Immanuel Kauluma Elifasi, Ai╪nû-aob, ׀Awemā!nans !Hao!nāsi ╪Gae╪guididis dib ge gem î, ǁîb ge a ǁnâu Riruakob ge ׀aeǁgâu╪gâ !khaisa xaweb ge ǁîba gere ╪gomsa ǁîb nî ╪uru tsî ╪oaxa tsîkha !aru׀î noxopa ╪gae╪guisa ǁîkha khoena nî māsa. “!Hau!hausases ge sada Guru-aob di ╪gaisa khoe-i xa ╪noa!oahe ǁoa, ǁnā-amaga da ge Xristeǁîda ase mâ׀gai, ū!oa ǁîb di !gû╪oasa tsî ǁkhae╪gaosa ǁîb di ׀aokhoen tsî !gōsase hoaraga Ovaherero ǁaesa nî ╪ganba,” tib ge Gaob Elifasa ǁîb di ǁkhae╪gao mîs hîab ge Gaob Immanuel ׀Gâseb, !Oe╪gâ ǁaes dib tsî ǁkhāti a !Naka╪nôa Ai╪nû-aob !Hao!nāsi ╪Gae╪guidi ׀Awemā!nans dis tsîna ība, ǁîb ׀ons !nâ gere mā!kharus !nâ ge mî.
Gaob Riruakob ge 79 kurin ׀kha 2 Gama׀aeb dis ai !nubu ׀aeb khao!gâ Roomse Katolike ׀Aeǁgâus !nâ ׀Aeǁgams !nâ ge ׀om׀uni tsî Kaiǁkhaes ai ge ǁkhōhe.