IMPALILA – Membala wa Swapo mwa Ndu ya Milao Austin Samupwa uelelize babanca kusa keshebisa lituto za buikezezo ni bupangapanga, kakuli kizeñwi zekasha kuhula kwa sifumu. Samupwa nabulezi manzwi ao Labulalu kwa Impalila kone kuputehezi babanca kuzwelela kwa keleke ya Sabata, kuyoba ni viki ya kuituta za buikezezo ni bupangapanga.

“Ze ha kilituto feela. Ki viki ya kuhula. Viki ya kupatehisa mazoho amina, minahano ya mina ni lipilu za mina ka lisebeliso zekona kubupa bukamuso bwa mina ni kushenga bukamuso bwa naha yaluna,” nekubulezi Samupwa.

Naekelize hape kuli naha Namibia italimana ni puzo ya kuli misebezi ikazwa kai? “Kalabo inzi ni ina. Ka mazoho amina. Ka zibo ya mina. Ka maata amina akusaba feela bababata misebezi, kono baba tahisa misebezi,” na elelize.

Nazwezipili kueleza babanca kuli kuna ni buntu mwa misebezi kaufela ye ezwa kabusepahali. “Lutuhele kunyinyifaza linzila za buikezezo ni bupangapanga. Yapanga limbuzi, ya ngunganya lisipi, ya bona za mulilo wa lizazi, mubeti ni bona kiba butokwa kwa sifumu sa naha inge muyemeli wa mulao ni manjinela,” nekubulezi Samupwa.

Caption: Elelize… Membala wa Swapo mwa Ndu ya Milao Austina Samupwa uelelize babanca kusa keshebisa lituto za buikezezo ni bupangapanga, kakuli kizeñwi zekasha kuhula kwa sifumu. Siswaniso: Aron Mushaukwa.