Auleria Wakudumo 

Omafiyafano omaudano okutondoka meefikola dihapu oku li metifa. Eefikola dihapu monooli oda mana nale okuninga omafiyafano opofikola nova uka kendingonoko la landula ko. 

Omukulunhufikola wofikola Nor thridge Private School moshikandjohongo shaNdola Godfrey Taruvinga okwa holola kutya ova mana nale okuninga omafiyafano opofikola yavo. Northridge okwa ninga omafiyafano oshivike sha dja ko pofikola yavo. 

Taruvinga okwa ti ove lipyakidila nomahoololo aavo ve shi endifa nawa pofikola. Ovo ve shi endifa nawa pofikola otava ka kalela po ofikola momafiyafano edingonoko la landula ko. 

Edingonoko litivali ohali kala efiyafano pokati kembwida leefikola odo dili moclusta imwe. Ovahongwa ohava kufa ombinga opo ku talwe omutondoki dingi moinano ixupi, ile, mokunhuka, okuumba nomaudano keshe ooh aa ningwa moshikandjohongo. 

Okudja mefiyano lopaclusta, omanyakwa oo eshi endifa nawa ohaa twikile ko nedingonoko lopashikandjohongo. 

Medingonoko lopashikandjolongo, eefikola adishe moshikandjolongo ohadi ongala pokapale opo di tale oo ta ka kufa ombinga medingonoko lakula, edingonoko lopashitukulwa. 

Medingonoko eli ohamu kala oiti tai teka shaashi ovanyakwa okudja koikandjohoololo ohaa shakena pokapale opo va tale ou ta dulu okukalela po oshitukulwa. 

Konooli omafiyafano atya ngaha ohaa ningilwa unene mokapale komaudano mOshakati. 

Ovahongwa ohava ka twikila ko natango nedingonoko la shikula ko lokukalela po oshitukulwa. 

-awakudumo@nepc.com.na