IMPALILA – Fa siolinyana sesi potolohilwe ki linuka zetuna ili Zambezi ni Chobe, Sikolo sa litopa zekopani sa Impalila si yema kuba musumo wa sepo kwa myandanda ya baituti. Sitomilwe kwa munwana wanaha Namibia, sikolo sina ni likande la tundamo, tumelo ya sicaba ni tiisezo ya kubata kuituta, nihakuna ni lisitataliso.

Yomuhulu wa sikolo Chris Sihope natalusize kuli sikolo nesikile sa tateka kasamulaho amabasi ane ilo tuta kwa Kasika baken’isa muunda. “Bashemi nebailo tuta kwa Kasika baken’isa muunda. Nebatokwa sibaka kwa kuinelela sesi sike sa tiba – mi kalona libaka leo nekuna ni tokwahalo yakuli baituti bazwelepili ni lituto zabona,” natolokile.

Kacwalo batu bane bailo yaha mwa Impalila neba boni tokwahalo ya kuituta. Sikolo sa Impalila nesi kalile kalitopa za 1 kuisa mwa 4. Kono sicaba hasinze sihula ni tokwahalo ya kubata kuituta, sikolo sa hula kuisa mwasitopa sa busupa. Nabulezi hape kuli “sikolo sa hula kuisa mwa sitopa sa 12, kono hape sato kuta mwa sitopa sa 9. Kono baken’isa kuekezeha kwa palo ya sicaba ni sililo sa bashemi litopa za 10 ni 11 za kuta hape.” Kachenu, Sikolo sa Impalila sina ni baituti ba myanda ye milalu kabashumi aloban’wi kaba lobapeli (398), kuzwelela mwa minzi ye mashumi amalalu ka ye mibeli yeli bukaufi. Sikolo niha sifumaneha cwalo mwalibaka za matakanyani, lizwalo la kubata kuituta lizwelapili kuhula. “Sicaba ni maticele bana ni susumo yakufa tuto kwa baituti,” nekubulezi Sihope kabuikuhumuso.

Sicaba sa sikolo sibulela hahulu Sisubia mi kwa sikolo baituta Silozi, kusupeza kuhula kwa lipuo mwa sikiliti. Litaba zakale za Impalila hape lishengiwa kibaetapili ba kwamulaho. Sihope nabulezi hala bazamaisi ba sikolo ba kwamulaho ni maticele bane bababalezi sikolo kwamulaho. Sihope ulumela kuli, “likande la luna ki la sicaba sesina ni tundamo, ni tumelo yakuli mwanana kaufela una ni tukelo ya kuituta, kusa bilaezi kwa fumaneha.”