Katima Mulilo- worudi rovaMasubia kavayapongere pevango limwe omu awo vana dwara mudwaro gokulifana gompo, ukumwe kasikereko mosikondovike, sokuhova monomvhuara edi ne sampira kukarako. Apa nye kageve mbudi zosilika, nkuru ministera Elijah Ngurare kavenye paveta asi Munitenge Gilbert Muhongo Mutwa asi yige Simwine (Hompa)govaMasubia, omu nye yina kuhaga eyi yokupira mpitisili kutunda mo 2021. ‘’ Edimbururo lyendi Simwine Gilbert Muhongo Mutwa yahepa nye kuretesapo ehagero eli lyonomutangu,’’ Ngurare yimo nye ngoso ana kuhuyunga, yipo nye kahundilire alimweneneno nakauke mokufumadeka Simwine Kisco Maiba Liswani 111. 

Nositurapo asi ‘’ Vwikuhane Vwetu ‘’ (Our Subia), Ngurare simpe katente mulyo gokudiworoka mpo, omu katente asi vakurona varugana nawa omu vakeverera yompo nokuhundira vantu asi vahepa kutwikira kufumadeka mpo sovaSubia. ‘’ 

Muhoko gwapira mpo kuna kara ngwendi sitji sina pili nondandani. 

Mpepo nampili zonunu hawe nare sina gu, yimo ana kutanta, omu nye vantu navenye kayivagumine nonkango odo kahuyungire. Silika kasikere tasilikida mudwaro gompo, kudana, yilikida yomomukunda owo vantu kavakerepo kuna kara vaNamibia, Botswana ntani vaZambia. 

“ Ngurare simpe kafatwilire asi ogu musisi avadwara vaMasubia unene vakadi makura vatungimo yiyo vakara noruhafo morwa simwe sina kulikida omu vafana nomu avatumbura yikulya yawo Inkoko (yisima yanangwasa) ntani nomfi edi avatumbura asi Zambezi bream. 

Nkuruministera kapandwire vakurona wompomukunda eyi vakeverera mpo nouhwi wawo. ‘’ Vadinkantu yiwo nompitisili domungura, ano meho zetu zahepa kukara zina kwata moyitji mokupopera mparukiso zetu. MNgurare kakadingwire evango oku vahoreka vaHompa Masubia Simwine muna hamene Itenge, Ikuhane, Sanjo, Mafwila, Liswani, Maiba, ntani vamwe ngoso, ava vakere tavapopere vantu vawo pampo ntani mukaro gwawo neparu lyawo. 

Age simpe kageve nye omu vana kuyimona yekuliko omu zina kurugana ngendeseso zepangero lyountantatu kupitira mo NDP6, omu vana kuhundira vaNamibia natuvenye tulikwatese kumwe mokutjindja mparukiso zetu. ‘’ 

Mokukwama nye mbapira zetu, ose twahepa kuwapukurura Namibia tutunde omu ngatuyirugana nare. Ose kuna kara asi twahepa kuninka vantu vetu vahafe oyo lyokulira yahepa kuhaga,yimo ana klutanta ngoso. Age kahundilire vatungimo tulikwatese mokuwapukurura meho zosirongo setu. -anakale@nepc.com.na