Katima Mulilo – Likwambuyu wa Tuto, Lyano, Babanca, Lipapali, Buikezezo ni Sizo, Sanet Steenkamp nakwaluzi simubuso muyaho ofa likelezo hala makete alimunanu kwa mutayi wa sikolo sa lituto ze pahami sa Namibia (Unam) mwa Katima Mulilo Labune. Muyaho omunca, kimutayi wa Lituto za Makete alimunanu wa sikolo sa Unam ofumaneha mwa muleneñi mwa Windoko, mi uba wabubeli kukwalula. 

Muyaho utamehile kuba okana ufa lituto kwa baituti ba ba feleleza lituto za bona za makete alimunanu mi hape ikaba oka belekela sicaba, kufa likelezo za butokwa kwa balimi hala makete alimunanu ni lifolofolo zeluilwe kibatu mwa sikiliti. Mwa manzwi ahae Steenkamp naize kezahalo yeo nesi feela yakukwalula muyaho, kono neli tulo yetuna hala buitamo bwa naha Namibia mwalitaba za patisiso, tuto, lyano, zwelopili mwahala sicaba, ni makete alimunanu.

Muyaho ofa likelezo, una ni macaziba hala makete alimunanu babane mi ukana ufa likelezo ni lisebelezo ze cwale ka ku alafa limunanu ni kufa likelezo hala matuku mi hape una ni sipatela sa milyani. Muyaho hape utamehile kubapala kalulotuna mwakufa likelezo hala bulimi sakata bwa limunanu, kuyelela ni musha wa “makete alimañwi” ili otalima tamahano yefumaneha mwala batu, lifolofolo, ni makete asilalanda.

“Muyaho wo ki bupaki kuli makete asicaba sa Zambezi angunganyizwe kwa makete alifolofolo za bona,” nekubulezi Steenkamp. Nahatelezi kuli muyaho ukaba simuluho ya lipatisiso, talimelo ni kulemuha matuku kaputako kuli likalafo lifiwe kabunako. Nalumbile hape kamaiso ya sikolo sa Unam ka pono yabona mi nakupile sicaba kuno fitisa lipilaelo zabona hala makete alifolofolo kaputako kuli litatululo lino fumaneha kapili.