Kavivetererue Virere 

Epangero kuna retesapo etokoro asi kutunda mvhura 2026, mbunga zakarerapo vanasure zaStudents Union of Namibia kuna kutanta asi etokoro eli kunakara asi kapi lina kuza mosirugana ntanio yimaliwa yisesu. Union kazitente asi egano eli lyokutanta asi vature komalikwamo konosure dokuzeruka apa ngesi kuna kara nye mbudi ana kugava hamutjanga gombunga ruha ronoveta. 

Ntumwaraka kuna kutanta asi mokusikisamo nayinye, ntani eyi vana hepa merongo mvhura ezi, omo tuna yuka nye merongo lyokupira kufuta, nkurusure zaNamibia (UNAM) ngesi awo kuna pura epangero asi vagwedeko yimaliwa yokusika koN$850 million. 

Mokukwama nye SUN, egano twaromo eli yimaliwa N$663 million apa nye ngava liyonga ano ngesi epangero kuna kutura nye eyi melikwamo ponontambo. Mokukwama age mwendi Katire, katente asi malisigo payimaliwa pokatji koyo vana gava, ntani eyi nye dina hepa nosure, kuna lisigi unene. Ose kuna kara noudigu nsene asi malisigo aga kapi navagayukisa, udigu unene kononkuru sure depangero. 

SUN aw okapi va kutamburako yimaliwa yereko eyi vana gava ngesi,omu vana sigiko nosure dimwe ngwendi NUST ntani nosure dokudeura ava ava rugana neyi yokomawoko. Omu nye vana kuyimona oyo, UNAM kwamupe yimaliwa yoyinzi unene yina gwanene. 

Katire kafatwilire asi eyi kuna kureta nye mapuro gomanzi unene, mokutanta asi ngano vagwane yokuhetakana, yikare poruzera,natni kuyiruganesa nawa. Evango lyetu kapi taligwana nsonso mokupitira mevango lyopeke, melikwamo eli lyorongo lyomawokowoko. 

Nkenye murongwa gahepa kugwanenamo mauwa gerongo, twahana kutara asi kupi adimbire sure zendi. Awo simpe kavageve asi kapi vana kuyizuvhira mbili kweyi vana kutanta asi kapi ngakukara hena yimaliwa yokupa vanasure morwa elikwamo nye eli lyerongo lyomawokowoko. 

Katire kahundilire ministeli vakara tavarugana yokuyukilira ayo hena yoporuzera asi ngapi lina kara elikwamo nomulina kukavatera varongwa. 

Kwahana kukara asi koyili vana etumbwidiro nkenye, age katente asi elikwamo yangesi kuvhura kukaguma vantu vana kara asi kwakulirongera ponze zosirongo. Momakwedi aga nye gatatu dogoro mvhura nye ozo, 2026 zerongo, SUN kahundilire epangero ntani navenye vana hamenemo vagenderere kuruganako Yuma, nokuyukisa vana kumona asi tavayirugana kukwama veta ozo. 

SUN kuna kulituramo unene asi tavakariugana kumwe mosiruwo esi serongo lyomawokowoko nampili ngomu kuna kara maudigu gomaene moyitura moyirugana. 

‘’Ose momunene kuna kukwatesako erongo lyomawokowoko lyopontambo zokuzeruka. Nampili ngoso, yina wapere kutura veta ezi melikwamo, kukwateramo navenye ntani vagwane mbatero, kwato murongwa ndi sure navaninkiliramo’’. Yimo ana kutanta Katire. -Fazzyvirere2@gmail.com