Auleria Wakudumo
Ouministeli womauyelele nomakwatafano opaungoba noprogramma yokukwafela ounona oLifeline/Childline Namibia ova shaina etwokumweudafano leedula nhano ta li fatulula shinasha neameno lounona ngee tava longifa oikwamalungula.
Omukulunhuwiliki mouministeli womauyelele nomakwatafano opaungoba, Audrin Mathe okwa ti Lifeline/Childline Namibia oku na elalakano lafaafana nouministeli womauyelele nova hala okuhanga elalakano limwe aveshe.
“Otuna omukumo nohatuka longela kumwe momahangano ngaashi aa, okukwafela ovakwashiwana vetu,” Mathe ta ti.
Eameno loikwamalungula ola pumbwa okutulwa pokati komahangano aeshe moshilongo. “Ohatu indile omahangano a wedwa po a waimine epangelo okutunga oshilongo shina eameno lakola loikwamalungula, Mathe ta ti.
Elongelo kumwe louministeli womauyelele nolifeline/childline oku udifako nokuwedela eshiivo kombinga yowii nouwa welongifo lomalungula nonghene shili sha fimana okuamena omapandja omalungula oo ovanhu ngaashi ounona hava longifa. Oshili sha fimana unene mounona opo va kwashilipaleke kutya omapandja opaungoba taa longifwa okuli a amenwa. Otava ka longa ounona nghene vena okukala veshi eameno loikwamalungula.
Otashi ka ningwa okupitila momikalo da etwapo kolifeline/childline. Otava ka kwandjangela nokulonga ounona omauyelele taa wapalele okushiiva okulongifa omalungula kwa amenwa mounyuni womalungula taa dana onghandangala moNamibia.
Omuwiliki woLifeline/Childline, Nicolette Bessinger okwa pandula ouministeli womauyelele eshi ouministeli wapanga oukaume navo opo va pitife o National Cybersecurity Strategy and Awareness Creation Plan.
Elongelo kumwe otali ka kwafela epangelo okufika nokulonga ounona veli meedula da yooloka, ava iha i vali kofikola, ovanyasha oshoyo ovadali, ovatekuli, novahongi vounona, va mone elongo nghene vena oku li amena okulongifa omalungula nostrategi oyo tava ka longwa.