Taimi Haihambo

Opolifi oya lopotelwa nokupatulilwa oibofa ya fika puine ya ningilwa ounona ve li koshi yeedula pokati 12 fiyo 18

Omupopiliko wopolifi moNamibia Kauna Shikwambi okwa ti moshiningwa shotete omufekelwa weedula 28, okwa tulwa moipandeko koGrootfontein konima eshi a kwata okaana keedula 14 keenghono. Oshihakanwa vati osha li tashi teleke, konima eshi a mana okuteleleka okwa dja mo meumbo a ka ifane mumwainamati oo a li poushiinda. Mondjila yaye yokukatala mumwaina vati okwa shakenena nomufekelwa. Omufekelwa vati okwe mu ifana ta ti ne uye a tambule onamunate. Eshi e ya okutambula onamunate vati omufekelwa okwe mu nanena monduda, nokunangla naye keenghono shihe li pahalo laye. Manga vati ve lipyakidila tava longo oilonga yavo mondunda, oshihakanwa  vati osha uda ewi laxe tali mu ifana. Omufekelwa vati okwe mu lombwela naye keumbo oku ta ifanwa ashike vati ina lombwela nande omunhu eshi va li ta va ningi.

Moshiningwanima shikwao vati omukainhu weedula 18 wokOtjombinde okwa li a ya keenhele domanwino nookaume osho yo ookahewa vaye. Manga ve lipyakidila tave lihafifa vati omulumenhu umwe oo e li omufekelwa paife moshiningwanima, vati okwe ya pomukainhu oo naye  e li oshihakanwa paife te mu pula vaye momilele naye ndele te shi anye.

Oshihakanwa vati eshi sha mona taku toko osha diladila okuya keumbo, mondjila yokuya keumbo  vati osha shakena nomufekelwa, oo vati e mu nanena meumbo limwe la li mondjila yavo ndele te mu kwata keenghono.

Okaana keedula 12 natango oka kwatwa keenghono oikando ya yooloka vati, omo oshikando shaxuuninwa sha ningwa Etitano. Omufekelwa ina monika natango, ashike omakonaakono opolifi oku li metifa.

-taimihaihambo2000@gmail.com